សាររីដវ៉ាន់២០២៥

by admin | May 11, 2025 | សារលិខិត រីដវ៉ាន់

ធម្មសភាយុត្តិធម៌សកល

សាររីដវ៉ាន់២០២៥

ជូនចំពោះបាហៃពិភពលោក
មិត្តទាំងឡាយជាទីស្រឡាញ់!

ដោយនៅសល់មួយឆ្នាំមុនដំណាក់កាលទីមួយនៃគម្រោងផែនការប្រាំបួនឆ្នាំ យើងអន្ទះសារដើម្បីរាយការណ៍ពីភាពរីកចម្រើនរបស់វាពីរបៀបដែលទស្សនវិស័យបានផ្តល់ឱ្យដោយជំនឿសាសនារបស់ព្រះ កំពុងបំពេញដល់បេះដូងទាំងឡាយកាន់តែច្រើនឡើងៗជាមួយនឹងក្តីសង្ឃឹម។
ដំណើរនៃការរីកចម្រើននៅតែបន្តទៅមុខជានិច្ច។ ការចាប់អារម្មណ៍ពីការអភិវឌ្ឍបានកើតឡើងក្នុងតំបន់ផ្សេងៗដែលជាកន្លែងដែលការរីកចម្រើនដ៏សំខាន់មិនធ្លាប់បានធ្វើជាសក្ខីភាពពីមុនមក ដោយសារគ្រាប់ពូជនៃជំនឿសាសនារបស់ព្រះបានផ្តល់ពន្លកបៃតងថ្មី ហើយនិងសមត្ថភាពសម្រាប់ធ្វើការជាមួយនឹងមនុស្សជាច្រើននៅពេលតែមួយបានចាប់ផ្តើមលេចឡើងហើយ។ ជាញឹកញាប់ ការរីកចម្រើនទាំងនេះអាចត្រូវបានបង្កើតឡើងដោយអ្នកត្រួសត្រាយផ្លូវដ៏មានភក្តីភាពដែលបេះដូងទាំងឡាយបញ្ចេញពន្លឺត្រចង់ដោយក្តីស្រឡាញ់នៃព្រះអម្ចាស់របស់ពួកគេ បានប្រញាប់ប្រញាល់ប្រកាសជាអ្នកត្រួសត្រាយផ្លូវក្នុងប្រទេសនិងក្រៅប្រទេសនូវចំនួនគួរឱ្យចាប់អារម្មណ៍។ ក្នុងកម្រងទាំងឡាយដែលជាកន្លែងដែលកម្មវិធីលូតលាស់មួយបានចាប់ផ្តើមរួចរាល់ បានបន្តការយកចិត្តទុកដាក់ ត្រូវបានគេផ្តល់ការអនុវត្តប្រកបដោយការច្នៃប្រឌិត និងភាពប៉ិនប្រសព្វ កម្រងទាំងនោះបានទទួលស្គាល់យុទ្ធសាស្រ្តទាំងឡាយនិងបន្ទាត់សកម្មភាពដែលជំរុញឱ្យមិត្តទាំងពួងឆ្លងផុតបង្គោលឡាក់ទីពីរនិងទីបី។ ហើយក្នុងកម្រងរឹងមាំទាំងឡាយដែលមានបទពិសោធន៍រួចហើយ ពន្លឺនៃអានុភាពនៃការស្ថាបនាសង្គមនៃជំនឿសាសនារបស់ព្រះកំពុងកាន់តែអាចមើលឃើញឡើង ដោយសារបែបផែននៃជីវិតបាហៃដ៏រស់រវើក ហើយនិងប្រកបដោយការផ្លាស់ប្តូរត្រូវបានក្រសោបយកដោយភាពរឹងមាំខ្លាំងឡើងនៃមនុស្សដ៏សកម្មទាំងឡាយ។

ទន្ទឹមនឹងនេះ ថ្នាក់មូលដ្ឋានទាំងឡាយដែលបានចូលរួមជាមួយសង្គមបានបោះជំហានទៅមុខគួរឱ្យកត់សម្គាល់។ គំនិតផ្តួចផ្តើមសកម្មភាពសង្គម ផ្នែកលើសហគមន៍បានផ្តោតការយកចិត្តទុកដាក់លើការអប់រំបានកើនឡើងទ្វេដងយ៉ាងឆាប់រហ័សបំផុត ប៉ុន្តែគំនិតផ្តួចផ្តើមផ្សេងទៀតបានរីកចម្រើនផងដែរនៅក្នុងវិស័យទាំងឡាយដូចជា កសិកម្ម សុខភាព បរិស្ថាន ការផ្តល់សិទ្ធិដល់ស្រ្តីទាំងឡាយនិងសិល្បៈនានា។ ការីកចម្រើននានានៃប្រភេទនេះគឺជាភស្តុតាងដ៏ច្រើនបំផុតក្នុងកម្រងរឹងមាំបំផុតទាំងពួង ដែលជាច្រើនជាភូមិនិងតំបន់ជិតខាង—សូម្បីតែផ្លូវតែមួយឬអគារដែលមានដង់ស៊ីតេដ៏ខ្ពស់ដែលជា—ផ្ទះសម្បែងសម្រាប់ប្រជាជនទាំងឡាយ ដែលកំពុងមានបទពិសោធន៍លើកកម្ពស់ពីការអនុវត្តគោលការណ៍នានានៃជំនឿសាសនាទៅជា តថភាពជាក់ស្តែង។ នៅកន្លែងជាច្រើន មេដឹកនាំស៊ីវិលទាំងពួង និងបុគ្គលទាំងឡាយដោយការទទួលខុសត្រូវសម្រាប់ការអប់រំកុមារ ឬការអភិវឌ្ឍនៃសង្គមនៅកម្រិតតំបន់មិនត្រឹមតែងាកទៅរកទស្សនវិស័យនានារបស់បាហៃនោះទេ ប៉ុន្តែកំពុងស្វែងរកដើម្បីសហការក្នុងការស្រាវជ្រាវសម្រាប់ដំដោះស្រាយជាក់ស្តែងទាំងឡាយ។ លើសពីនេះទៅទៀត យើងត្រូវបានធ្វើឱ្យរីករាយដែលឃើញថានៅកម្រិតជាតិនិងអន្តរជាតិ វិធីសាស្រ្តបាហៃចំពោះការបញ្ចេញមតិទាំងពួងដ៏សំខាន់កំពុងទាក់ទាញការកើនឡើងការយកចិត្តទុកដាក់ និងការកោត សរសើរ។

ផែនការប្រាំបួនឆ្នាំពឹងផ្អែកលើដំណើរការសិក្សាជាសកលដ៏ធំមហិមា ដែលមានប្រសិទ្ធភាពដូចនៅតំបន់ផ្សេងនៃបូលីវី ដូចនៅជាយក្រុងស៊ីដនី។ ដំណើរការនៃការរៀនសូត្រនេះបានបង្កើតឱ្យមានយុទ្ធសាស្រ្តនិងសកម្មភាពដែលអាចសម្របខ្លួនបាននៅគ្រប់ការកំណត់។ វាមានលក្ខណៈជាប្រព័ន្ធ វាគឺជាសរីរាង្គ វាកំពុងក្រសោបយកទាំងអស់។ វាបង្កើតទំនាក់ទំនង ដែលរីកដុះដាលទៅក្នុងទំនាក់ទំនងប្រកបដោយថាមភាពក្នុងចំណោមគ្រួសារទាំងឡាយ ក្នុងចំណោមតំបន់ជិតខាងនានា ក្នុងចំណោមយុវជន ហើយនិងក្នុងចំណោមអ្នកទាំងអស់ដែលត្រៀមក្លាយជាតួអង្គឯកក្នុងការទទួលយកប្រកបដោយភាពរុងរឿងនេះ។ វាលើកតម្កើង សហគមន៍ដែលពោរពេញដោយសក្តានុពល។ វាជំរុញការបំពេញនូវក្តីប្រាថ្នាដ៏ឧត្តុង្គឧត្តមដែលបានចែករំលែកដោយមនុស្សទាំងឡាយដែលត្រូវបានបែងចែកតាមភូមិសាស្រ្ត ភាសា វប្បធម៌ ឬស្ថានភាព ប៉ុន្តែឥឡូវបានឭនិងបានឆ្លើយតបទៅនឹងការអំពាវនាវជាសកលរបស់ព្រះបាហាអ៊ុលឡាហ៍ដើម្បី “ខ្នះខ្នែងប្រឹងប្រែងឥតឈប់ឈរសម្រាប់ភាពល្អប្រសើរឡើងនៃជីវិតរបស់គ្នាទៅវិញទៅមក”។ ហើយវាផ្អែកទាំងស្រុងទៅលើថាមភាពដ៏ខ្លាំងក្លានៃព្រះបន្ទូលរបស់ព្រះដែលជា “កម្លាំងបង្រួបង្រួម” “ដែលជាការផ្លាស់ទីនៃវិញ្ញាណក្ខន្ធទាំងឡាយ និងដែលជាការប្រមូលចងផ្តុំ ហើយនិងដែលជាការគ្រប់គ្រងក្នុងពិភពនៃមនុស្សជាតិ” ហើយនិងទៅលើការទ្រទ្រង់សកម្មភាពដែលវាជំរុញ។

ប្រឆាំងនឹងការអាប់អួរនៃមេឃដែលមានព្យុះ ពន្លឺដែលបញ្ចេញពីការខិតខំប្រឹងប្រែងដ៏ស្មោះសររបស់អ្នកភ្លឺចែងចាំងយ៉ាងណា! សូម្បីតែពេលដែលខ្យល់បក់បោកខ្លាំងទៅលើពិភពលោក ឋានសួគ៌ទាំងឡាយដែលជាជម្រកមនុស្សជាតិបានកំពុងត្រូវបានសាងសង់ឡើងក្នុងប្រទេស តំបន់និងកម្រងនានា។ ប៉ុន្តែមានច្រើនទៀតដែលត្រូវធ្វើ។ សហគមន៍ប្រចាំប្រទេសនីមួយៗមានការរំពឹងទុករៀងៗខ្លួនចំពោះវឌ្ឍនភាពដែលនឹងត្រូវធ្វើឡើងក្នុងអំឡុងពេលនេះ ដែលជាដំណាក់កាលបើកដំណើរការរបស់ផែនការរបស់ព្រះ។ ពេលវេលាកំពុងកន្លងផុតទៅ។ មិត្តទាំងឡាយជាទីស្រឡាញ់និងអ្នកផ្សព្វផ្សាយនានានៃការបង្ហាត់បង្រៀនដ៏ពិសិដ្ឋ ព្រមទាំងអ្នកគាំទ្រទាំងពួងរបស់ព្រះបាហាអ៊ុលឡាហ៍—ឥឡូវកិច្ចខិតខំប្រឹងប្រែងរបស់អ្នកត្រូវការជាចាំបាច់។ រាល់ការរីកចម្រើនដែលបានបង្កើតឡើងនាប៉ុន្មានខែខាងមុខ មុនរីដវ៉ាន់ឆ្នាំក្រោយនឹងផ្គត់ផ្គង់កាន់តែប្រសើរឡើងដល់សហគមន៍នៃព្រះនាមដ៏អស្ចារ្យរបស់ព្រះ ត្រូវតែសម្រេចនៅក្នុងដំណាក់កាលទីពីរនៃផែនការរបស់ព្រះ។ សូមឱ្យអ្នកទទួលបានជោគជ័យ។ ចំពោះរឿងនេះយើងអង្វរករព្រះជាម្ចាស់ដែលជាព្រះប្រកបដោយអធិបតេយ្យភាព ចំពោះរឿងនេះយើងទទូចសុំជំនួយដែលមិនចេះសាបសូន្យរបស់ទ្រង់ ចំពោះរឿងនេះយើងទទូចអង្វរសុំទ្រង់បញ្ជូនទេវតាទាំងឡាយដែលប្រកបដោយសេចក្តីករុណាចាប់ពីថ្ងៃនេះតទៅដើម្បីជួយឃុំគ្រងម្នាក់ៗក្នុងចំណោមពួកអ្នក។

ធម្មសភាយុត្តិធម៌សកល

ទាញយកឯកសារ

សាររីដវ៉ាន់២០២៤

by admin | May 11, 2025 | សារលិខិត រីដវ៉ាន់

ធម្មសភាយុត្តិធម៌សកល

សាររីដវ៉ាន់២០២៤

ផ្ញើជូនមិត្តបាហៃទាំងឡាយក្នុងពិភពលោក

មិត្តទាំងឡាយជាទីស្រឡាញ់!
កិច្ចខិតខំប្រឹងប្រែងដ៏អស្ចារ្យពីរឆ្នាំក្នុងចំណោមកិច្ចខិតខំប្រឹងប្រែងដ៏អស្ចារ្យប្រាំបួនឆ្នាំ បានឆ្ពោះទៅមុខ យ៉ាងលឿន។ មិត្តទាំងឡាយរបស់ព្រះបានចាប់យកគោលដៅនានារបស់វាយ៉ាងម៉ឺងម៉ាត់ទុកក្នុងបេះដូង។ បាហៃទូទាំងពិភពលោកគឺមានការយល់ដឹងកាន់តែស៊ីជម្រៅអំពីអ្វីដែលត្រូវការ ដើម្បីពង្រីកដំណើរការស្ថាបនាសហគមន៍ បន្ថែមទៀតនិងមានឥទ្ធិពលលើការផ្លាស់ប្តូរសង្គមយ៉ាងជ្រៅ។ ប៉ុន្តែរាល់ថ្ងៃដែលកន្លងផុតទៅ យើងឃើញផងដែរពីស្ថានភាពពិភពលោកកាន់តែអស់សង្ឃឹមខ្លាំងឡើងៗ ការបែងចែករបស់វាកាន់តែធ្ងន់ធ្ងរទៅៗ។ ភាពតានតឹងកើតឡើងនៅក្នុងសង្គមជាច្រើនហើយរវាងប្រជាជាតិទាំងឡាយធ្វើឱ្យប៉ះពាល់ប្រជាជននិងទីកន្លែងនានាក្នុងមធ្យោបាយជាច្រើនអនេក។

នេះទាមទារនូវការឆ្លើយតបមួយពីគ្រប់វិញ្ញាណក្ខន្ធដែលមានមនសិការ។ យើងទាំងអស់គ្នាក៏ដឹងផងដែរថាសហគមន៍នៃព្រះនាមដ៏អស្ចារ្យរបស់ព្រះ មិនអាចរំពឹងថាមិនរងផលប៉ះពាល់ដោយការទង្គិចយ៉ាងខ្លាំងរបស់សង្គមនោះឡើយ។ ទោះជាយ៉ាងណាក្តី វាត្រូវបានប៉ះពាល់ដោយការទង្គិចយ៉ាងខ្លាំងទាំងនេះ វាមិនត្រូវបានធ្វើច្រឡំដោយពួកវានោះឡើយ។វាត្រូវបានធ្វើឱ្យក្រៀមក្រំស្រងូតស្រងាត់ដោយភាពឈឺចាប់របស់មនុស្សជាតិ ប៉ុន្តែមិនស្លន់ស្លោរដោយសារពួកវានោះទេ។ការយកចិត្តទុកដាក់អស់ពីដួងចិត្ត ត្រូវធ្វើឱ្យកិច្ចខិតខំប្រឹងប្រែងប្រកបដោយនិរន្តរភាពដើម្បីស្ថាបនាសហគមន៍ទាំងឡាយ ដោយផ្តល់ក្តីសង្ឃឹមជំនួសឱ្យការអស់សង្ឍឹម ផ្តល់នូវសាមគ្គីភាពជំនួសឱ្យជម្លោះ។

លោកស៊ូហ្គីអែហ្វិនឌីបានពណ៌នាយ៉ាងច្បាស់ពីរបៀបដំណើរការមួយនៃ“ការខ្សោះជីវជាតិជាបន្តបន្ទាប់ក្នុងកិច្ចការនានារបស់មនុស្សជាតិ” ដែលកំពុងកើតឡើងស្របជាមួយនឹងដំណើរមួយផ្សេងទៀត ដំណើរការនៃសមាហរណកម្ម តាមរយៈ “នាវារបស់ព្រះនៃការសង្គ្រោះមនុស្ស” “ទីជំរកដ៏ខ្ពង់ខ្ពស់បំផុត” របស់សង្គមត្រូវបានកំពុងស្ថាបនា។ យើងមានបិតិសោមនស្សដែលឃើញអ្នកប្រតិបត្តិដ៏ពិតប្រាកដទាំងឡាយនៃសន្តិភាពបានកាន់កាប់ជាមួយនឹងការស្ថាបនាឋានសួគ៌នេះគ្រប់ប្រទេសនិងតំបន់។ យើងឃើញវានៅក្នុងការពិពណ៌នានៃបេះដូងមួយត្រូវបានបង្កាត់ភ្លើងជាមួយនឹងសេចក្តីស្រឡាញ់របស់ព្រះ គ្រួសារមួយរៀបចំផ្ទះសម្បែងដើម្បីស្វាគមន៍មិត្តថ្មីទាំងឡាយ អ្នកសហការនានាយកការបង្ហាត់បង្រៀនរបស់ព្រះបាហាអ៊ុលឡាហ៍ដើម្បីដោះស្រាយបញ្ហាសង្គមមួយសហគមន៍មួយពង្រឹងវប្បធម៌នៃការគាំទ្រគ្នាទៅវិញទៅមក តំបន់ជិតខាងឬភូមិមួយរៀនសូត្រដើម្បីផ្តួចផ្តើមនិងទ្រទ្រង់សកម្មភាពដែលចាំបាច់ សម្រាប់វឌ្ឍនភាពផ្នែកសម្ភារនិងស្មារតីផ្ទាល់របស់វា តំបន់មួយបានទទួលសព្ទសារធុការពរជាមួយនឹងការលេច ឡើងនូវធម្មសភាចិត្តកៈថ្មីមួយ។
វិធីសាស្រ្តនិងឧបករណ៍ទាំងឡាយនៃគម្រោងរបស់ព្រះអនុញ្ញាតឱ្យគ្រប់វិញ្ញាណក្ខន្ធ ដើម្បីរួមចំណែកចែក រំលែកពីអ្វីដែលមនុស្សជាតិត្រូវការក្នុងយុគសម័យនេះ។ក្រៅពីការផ្តល់នូវការសង្គ្រោះបណ្តោះអាសន្ន សម្រាប់ជម្ងឺទាំងឡាយនៃពេលនេះ ការប្រតិបត្តិនៃគម្រោងរបស់ព្រះគឺជាមធ្យោបាយរយៈពេលយូរអង្វែង ដំណើរការស្ថាបនា ការលាតត្រដាងលើជំនាន់ទាំងពួងគឺកំពុងមានចលនានៅក្នុងគ្រប់សង្គម។ ទាំងអស់នេះចង្អុលទៅរកការសន្និដ្ឋាន បន្ទាន់ដែលមិនអាចគេចផុត៖ ត្រូវតែមាននិរន្តរភាព ការកើនឡើងយ៉ាងឆាប់រហ័សនូវចំនួនអ្នកទាំងនោះដែលប្តេជ្ញាលះបង់ពេលវេលារបស់ពួកគេ កម្លាំងពលំរបស់ពួកគេ ការផ្តោតអារម្មណ៍របស់ពួកគេចំពោះភាពជោគជ័យនៃការងារនេះ។

ប៉ុន្តែចំពោះគោលការណ៍ភាពតែមួយនៃមនុស្សជាតិរបស់ព្រះបាហាអ៊ុលឡាហ៍ តើពិភពលោកអាចស្វែងរកទស្សនវិស័យដ៏ទូលំទូលាយដើម្បីរួបរួមធាតុទាំងឡាយផ្សេងគ្នាទាំងអស់របស់វានៅឯណាទៀត? ដោយការបកប្រែទស្សនវិស័យនោះទៅជាលំដាប់មួយដែលផ្អែកលើសាមគ្គីភាពនៃភាពផ្សេងគ្នា តើពិភពលោកអាចព្យាបាលការបែកបាក់ផ្នែកសង្គមដែលបែងចែកវាតាមរបៀបណាផ្សេងទៀត? តើនរណាផ្សេងទៀតអាចក្លាយជាអ្នកបង្កបង្កើតឱ្យមានសកម្មភាពឡើងតាមរយៈមនុស្សក្នុងពិភពលោក អាចរកឃើញផ្លូវជីវិតថ្មីដែលជាមាគ៌ាឆ្ពោះទៅរកសន្តិភាពយូរអង្វែង? អ៊ីចឹងចូរពង្រីកដល់មនុស្សគ្រប់គ្នានូវក្នុងដៃនៃមិត្តភាព នៃកិច្ចខិតខំប្រឹងប្រែងរួមគ្នា នៃការបម្រើរួមគ្នា នៃការរៀនសូត្ររួមគ្នា និងរីកចម្រើនរួមគ្នាតែមួយ។

យើងបានយល់ដឹងយ៉ាងច្រើនពីភាពរស់រវើកនិងភាពរឹងមាំ ដែលត្រូវបានបង្កើតឡើងក្នុងសង្គមណាមួយដោយយុវ័យរបស់វាដែលត្រូវបានដាស់ឱ្យភ្ញាក់ឡើងចំពោះទស្សនវិស័យរបស់ព្រះបាហាអ៊ុលឡាហ៍ ហើយក្លាយជាតួឯកទាំងឡាយនៃគម្រោងរបស់ព្រះ។ ដូចនេះជាមួយនឹងសេចក្តីសប្បុរសដ៏ធំធេង សេចក្តីក្លៀវក្លា និងការពឹងលើព្រះ ត្រូវតែយុវជនបាហៃដោះស្រាយចំពោះមិត្តភក្តិរបស់ពួកគេហើយនាំពួកគេទៅក្នុងកិច្ចការនេះ! អ្នកទាំងអស់គ្នាត្រូវតែរុលឆ្ពោះទៅមុខ ប៉ុន្តែយុវជនត្រូវតែហោះហើរឡើងឱ្យខ្ពស់។

ភាពបន្ទាន់នៃពេលវេលាបច្ចុប្បន្នមិនត្រូវរារាំងបិទបាំងសុភមង្គលពិសេស ដែលចេញមកពីការបម្រើនោះទេ។ការអំពាវនាវដើម្បីបម្រើគឺជាការលើកកម្ពស់និងការក្រសោបយកការកោះហៅទាំងឡាយ។វាទាក់ទាញគ្រប់វិញ្ញាណក្ខន្ខដែលស្មោះសរ សូម្បីអ្នកទាំងនោះដែលមានបន្ទុកដ៏ធ្ងន់ធ្ងរក្នុងការខ្វល់ខ្វាយ និងកាតព្វកិច្ចទាំង ពួងក្តី។ សម្រាប់គ្រប់មធ្យោបាយទាំងអស់ដែលក្នុងនោះវិញ្ញាណក្ខន្ធដ៏ស្មោះសរគឺត្រូវបានកាន់កាប់ អាចត្រូវបាន រកឃើញការលះបង់យ៉ាងជ្រាលជ្រៅ និងការយកចិត្តទុកដាក់ពេញមួយជីវិតចំពោះសុខុមាលភាពរបស់អ្នកដទៃ។ លក្ខណៈគុណសម្បត្តិទាំងឡាយនេះផ្តល់នូវភាពស៊ីសង្វាក់គ្នាដល់ជីវិតនៃការអំពាវនាវជាច្រើន។ហើយពេលវេលាដ៏មានអត្ថន័យខ្លឹមសារក្នុងចំណោមពេលវេលាទាំងអស់នៃបេះដូងណាមួយដែលបានអុជបំភ្លឺ គឺអ្នកនោះត្រូវបានចំណាយពេលវេលាជាមួយនឹងបងប្អូនប្រុសស្រីទាំងឡាយផ្នែកស្មារតី ដែលមានទំនោរទៅរក សង្គមដែលត្រូវការធ្វើឱ្យប្រសើរឡើងផ្នែកស្មារតី។

នៅឯចេតិយដ៏ពិសិដ្ឋទាំងឡាយរបស់ព្រះ យើងសូមដឹងគុណដល់ព្រះបាហាអ៊ុលឡាហ៍ពេញបេះដូងសម្រាប់ការលើកតម្កើងអ្នកនិងការហ្វឹកហ្វឺនអ្នកតាមមាគ៌ារបស់ទ្រង់ ហើយយើងសូមអង្វរករទ្រង់សូមផ្តល់សព្ទសាធុការពររបស់ទ្រង់ដល់អ្នកថែមទៀតផង។

ធម្មសភាយុត្តិធម៌សកល

ទាញយកឯកសារ

សាររីដវ៉ាន់២០២៣

by admin | May 11, 2025 | សារលិខិត រីដវ៉ាន់

ធម្មសភាយុត្តិធម៌សកល

សាររីដវ៉ាន់២០២៣

ផ្ញើជូនមិត្តបាហៃទាំងឡាយក្នុងពិភពលោក
មិត្តទាំងឡាយជាទីស្រឡាញ់!

យើងមានសេចក្តីរំភើបយ៉ាងក្រៃលែង ដើម្បីថ្លែងអំពីសហគមន៍មួយដែលមានស្មារតីដ៏ឧត្តុង្គឧត្តមថ្លៃថ្លាហើយនិងដំណោះស្រាយដ៏ខ្ពង់ខ្ពស់របស់ពួកគេ កំពុងឆ្លើយតបទៅនឹងការអំពាវនាវដ៏ឧត្តមរបស់វា។ ភាពអស្ចារ្យក្រៃលែង មហាអស្ចារ្យបំផុត គឺក្តីស្រឡាញ់របស់យើងចំពោះអ្នក ហើយស្មារតីរបស់យើងរំភើបយ៉ាងពន់ពេកនៅពេលដែលឃើញភាពស្មោះស្ម័គ្រនិងភាពពុះពារប្រឹងប្រែងដ៏មានភក្តីភាពរបស់អ្នក រស់នៅស្របទៅតាមការបង្ហាត់បង្រៀនរបស់ព្រះបាហាអ៊ុលឡាហ៍ និងផ្តល់ទឹកស្រោចស្រង់ជីវិតនៃការត្រាស់ដឹងរបស់ទ្រង់ដល់ពិភពលោកមួយដែលស្រេកយ៉ាងខ្លាំង។ ការយល់ដឹងដ៏ខ្លាំងក្លានៃគោលបំណងរបស់អ្នកគឺឃើញយ៉ាងច្បាស់។ ការពង្រីកនិងពង្រឹង សកម្មភាពសង្គម និងការចូលរួមក្នុងការបញ្ចេញមតិនានាក្នុងសង្គម បន្តទៅមុខយ៉ាងឆាប់រហ័ស ហើយភាពទាក់ទងគ្នាជាហូរហែជាធម្មជាតិនៃការអនុវត្តទាំងនេះនៅកម្រិតនៃកម្រងគឺកំពុងប្រែក្លាយឃើញកាន់តែច្បាស់ខ្លាំងឡើងៗ។ គ្មានកន្លែងណាដែលច្បាស់ជាងនៅកន្លែងទាំងឡាយដែលចំនួនច្រើនឡើងៗកំពុងចូលរួមក្នុងជួរមួយនៃភាពខិតខំប្រឹងប្រែងទាំងឡាយនោះទេ ម្នាក់ៗមានមធ្យោបាយមួយដើម្បីបញ្ចេញអានុភាពស្ថាបនាសង្គមនៃជំនឿសាសនារបស់ព្រះ។

រយៈពេលដប់ពីរខែបានកន្លងផុតទៅ ចាប់តាំងពីការចាប់ផ្តើមគម្រោងផែនការប្រាំបួនឆ្នាំរបស់ព្រះ យើងត្រូវបានរីករាយយ៉ាងខ្លាំងដើម្បីមើលឃើញពីរបៀបកិច្ចប្រឹងប្រែងផ្នែកស្មារតីជាសកលបានជម្រុញនិងធ្វើឱ្យមិត្តទាំងឡាយសកម្មឡើង ព្រមទាំងបានផ្តល់សន្ទុះដល់ខ្សែបន្ទាត់សកម្មភាពដ៏ពិសេស។ ការផ្តោតការយកចិត្តទុកដាក់ភ្លាមៗបានដាក់បញ្ចូលក្នុងគម្រោងការដ៏មានប្រសិទ្ធភាពទាំងឡាយដែលធានាថា ក្នុងប្រទេសនិងតំបន់នីមួយៗមានការលេចឡើងយ៉ាងហោចណាស់កម្រងមួយឆ្លងផុតបង្គលឡាក់ទីបីៈ ជាកន្លែងមួយដែលចំនួនប្រជាជនជាច្រើនគឺកំពុងធ្វើការរួមគ្នា និងកំពុងចូលរួមចំណែកដល់ជីវិតនៃសហគមន៍ដ៏រស់រវើកមួយ។ ទោះបីជាយ៉ាងណាក៏ដោយ គោលដៅប្រកបដោយមនសិការសម្រាប់រយៈពេលម្ភៃប្រាំឆ្នាំនេះ គឺដើម្បីបង្កើតកម្មវិធីលូតលាស់ជានិរន្តមួយក្នុងគ្រប់កម្រងនៅក្នុងពិភពលោក អ្នកជំនឿទាំងឡាយបានរៀបចំបើកកម្រងថ្មីជាច្រើនចំពោះជំនឿសាសនារបស់ព្រះ ព្រមទាំងបង្កើនកិច្ចប្រឹងប្រែងរបស់ពួកគេក្នុងកន្លែងជាច្រើនដែលមានកម្មវិធីលូតលាស់។ មានការយល់ដឹងដ៏ខ្លាំងឡើងពីឱកាសសម្រាប់អ្នកត្រួសត្រាយផ្លូវនានាដើម្បីក្រោកឡើងនៅក្នុងគ្រប់ផ្នែកទាំងអស់នៃពិភពលោក ដែលបុគ្គលដ៏មានភក្តីភាពជាច្រើនកំពុងពិចារណាពីរបៀបដែលពួកគេអាចឆ្លើយតបចំពោះឱកាសនេះ ហើយក៏មានអ្នកដទៃជាច្រើនទៀតបានបំពេញសេចក្តីប្រកាសនេះរួចរាល់ អំពីអ្នកត្រួសត្រាយផ្លូវគួរឱ្យកត់សម្គាល់ ប៉ុន្តែកាន់តែកើនឡើងខ្លាំងនៅក្នុងវិស័យអន្តរជាតិផងដែរ។ នេះជាវិធីមួយក្នុងចំណោមវិធីមួយចំនួនដែលក្នុងនោះ ដូចដែលយើងបានសង្ឃឹមទុក ស្មារតីមួយនៃការគាំទ្រគ្នាទៅវិញទៅមកគឺត្រូវបានបញ្ចេញឡើងដោយមិត្តទាំងឡាយនៅគ្រប់ទីកន្លែង។ សហគមន៍នានាដែលភាពរឹងមាំត្រូវបានស្ថាបនាឡើងនោះ បានប្តេជ្ញាចិត្តខ្លួនពួកគេចំពោះការគាំទ្រភាពរីកចម្រើនដែលត្រូវបានបង្កើតឡើងក្នុងកន្លែងផ្សេងៗគ្នា ដែលមានក្នុងកម្រង ភូមិភាគ ប្រទេស ឬក៏សូម្បីទ្វីបផ្សេងទៀត ហើយមធ្យោបាយប្រកបដោយប្រឌិតញ្ញាណត្រូវបានបង្កើតឡើងដើម្បីផ្តល់នូវការលើកទឹកចិត្តពីចម្ងាយ ហើយផ្តល់បទពិសោធន៍នានាត្រូវចែករំលែកដោយផ្ទាល់។ នៅគ្រាដែលវិធីដ៏សំខាន់នៃការចាប់យកអ្វីដែលកំពុងត្រូវបានរៀនសូត្រក្នុងកម្រងមួយ ដូចនេះវាអាចប្រាប់បានពីគម្រោងដែលបានបង្កើតឡើងក្នុងតំបន់ ហើយកន្លែងផ្សេងទៀតត្រូវបានអនុវត្តយ៉ាងទូលំទូលាយ។ យើងត្រូវបានធ្វើឱ្យមានបិតិសោមនស្សយ៉ាងខ្លាំងដែលឃើញថាការយកចិត្តទុកដាក់ដ៏វិសេសវិសាល គឺត្រូវបានចំណាយដល់ការរៀនសូត្រពីរបៀប ដើម្បីបង្កើនគុណភាពនៃបទពិសោធន៍ផ្នែកការអប់រំ ដែលបានផ្តល់ដោយវិទ្យាស្ថាន។ នៅពេលដំណើរការវិទ្យាស្ថានចាក់ឫសកាន់តែជ្រៅទៅក្នុងសហគមន៍មួយ ប្រសិទ្ធភាពរបស់វាគឺបានធ្វើឱ្យរំភើបក្រៃលែង។ ជាឧទាហរណ៍ភស្តុតាងមជ្ឈមណ្ឌលនៃសកម្មភាពប្រកបដោយប្រពលភាពទាំងនោះ ដែលអ្នកស្រុកទាំងឡាយ បានមកទទួលយកវិទ្យាស្ថានហ្វឹកហ្វឺនជាឧបករណ៍ដ៏មានសក្តានុពលមួយថាជាឧបករណ៍របស់ពួកគេៈ ដែលជាឧបកណ៍មួយសម្រាប់ការអភិវឌ្ឍដ៏រឹងមាំដែលពួកគេបានទទួលខុសត្រូវជាចម្បង។ ការដឹងយ៉ាងច្បាស់ថាឱកាសទាំងឡាយនៃជំនឿសាសនារបស់ព្រះតែងតែបើកទូលាយ អ្នកជំនឿទាំងពួងកំពុងរៀនសូត្រពីរបៀបដើម្បីផ្តល់ការលើកទឹកចិត្តដល់អ្នកទាំងនោះ ដែលប្រុងប្រៀបចូលរួម។ ដើម្បីដើរជាមួយមនុស្សទាំងឡាយ និងដើម្បីជួយពួកគេឆ្លងកាត់ធរណីទ្វារ គឺជាអភ័យឯកសិទ្ធិមួយនិងជាក្តីរីករាយពិតប្រាកដពិសេសមួយ នៅក្នុងបរិបទវប្បធម៌នីមួយៗមានរឿងជាច្រើនដើម្បីរៀនសូត្រអំពីថាមវ័ន្តនៃឱកាសដ៏ឧឡារិកនៃការទទួលស្គាល់ និងកម្មសិទ្ធិនេះ។ ហើយនោះមិនទាន់អស់នៅឡើយទេ។ ខណៈពេលដែលកិច្ចខិតខំប្រឹងប្រែងជាច្រើនក្នុងកម្រងទំាងឡាយដើម្បីចូលរួមចំណែកដល់ការផ្លាស់ប្តូរនៃសង្គមគឺនៅឯដំណាក់កាលដំបូងរបស់ពួកគេ។ ធម្មសភាជាតិទាំងឡាយបានគាំទ្រយ៉ាងពេញលេញ ដូចគ្នានឹងអ្នកផ្តល់ឱវាទទាំងពួងកំពុងស្វែងរកយ៉ាងសកម្ម ដើម្បីរៀនសូត្របន្ថែមទៀតអំពីរបៀបដែលកិច្ចប្រឹងប្រែងទាំងនេះផុសឡើងចេញពីដំណើរការស្ថាបនាសហគមន៍។ ការពិភាក្សានានាអំពីសុខុមាលភាពសង្គមនិងសម្ភាររបស់ប្រជាជនទាំងឡាយកំពុងត្រូវបានដាំបណ្តុះនៅក្នុងក្រុមនៃគ្រួសារនានាហើយនិងក្នុងសហគមន៍ទាំងពួង ខណៈពេលដែលមិត្តទាំងឡាយកំពុងស្វែងរកវិធីនានាដើម្បីចូលរួមក្នុងការបញ្ចេញមតិទាំងពួងប្រកបដោយអត្ថន័យដែលកំពុងលាតត្រដាងក្នុងតំបន់ជុំវិញរបស់ពួកគេភ្លាមៗ។

ក្នុងចំណោមពួកយើងទាំងអស់គ្នាបានពណ៌នាសកម្មភាពទាំងឡាយរបស់យុវជន ដែលបញ្ចេញរស្មីត្រចះត្រចង់។ មិនមែនគ្រាន់តែជាឧបករណ៍ស្រូបយកនៃឥទ្ធិពលអសកម្មនោះទេ មិនថាឥទ្ធិពលដែលមិនបណ្តាលឱ្យមានគ្រោះថ្នាក់ ឬម្យ៉ាងទៀតពួកគេបានបង្ហាញភស្តុតាងខ្លួនពួកគេថាជាតួអង្គឯកដ៏ក្លាហាននិងមានសុភវិនិច្ឆ័យនៃគម្រោងរបស់ព្រះ។ សហគមន៍មួយជាកន្លែងដែលបានឃើញពួកគេក្នុងពន្លឺនេះហើយបានបង្កើតលក្ខខណ្ឌជាច្រើនសម្រាប់ភាពរីកចម្រើនរបស់ពួកគេ យុវជនបានបង្ហាញភាពត្រឹមត្រូវច្រើនជាងទំនុកចិត្តដែលបានបង្ហាញក្នុងខ្លួនពួកគេទៅទៀត។ ពួកគេកំពុងបង្ហាត់បង្រៀនជំនឿសាសនារបស់ព្រះដល់មិត្តទាំងឡាយរបស់ពួកគេ ហើយពួកគេធ្វើការបម្រើដែលក្លាយជាគ្រឹះនៃមិត្តភាពដ៏មានអត្ថន័យខ្លឹមសារខ្លាំងឡើងៗ។ ជាញឹកញាប់ការបម្រើបែបនេះផ្តល់ការអប់រំដល់ក្មេងៗទាំងនោះដែលមានអាយុក្មេងជាងពួកគេ__ការផ្តល់ពួកគេមិនមែនត្រឹមតែការអប់រំផ្នែកស្មារតីនិងសីលធម៌ប៉ុណ្ណោះទេប៉ុន្តែជារឿយៗជួយដល់ការសិក្សារបស់ពួកគេផងដែរ។ ពួកគេបានបំពេញកាតព្វកិច្ចនូវការទទួលខុសត្រូវដ៏ពិសិដ្ឋមួយដើម្បីពង្រឹងដំណើរការវិទ្យាស្ថាន យុវជនបាហៃកំពុងបំពេញក្តីសង្ឃឹមទាំងឡាយជាទីស្រឡាញ់បំផុតរបស់យើង។

ការរៀបចំសម្រាប់កិច្ចខិតខំប្រឹងប្រែងទាំងអស់នេះ គឺជាពេលវេលាដែលអាចប្រែប្រួលយ៉ាងធំមហិមា។ មានការទទួលស្គាល់យ៉ាងទូលំទូលាយថា រចនាសម្ព័ន្ធនៃសង្គមបច្ចុប្បន្នគឺត្រូវបានរៀបចំមិនល្អដើម្បីដោះស្រាយតម្រូវការទាំងពួងរបស់មនុស្សជាតិនៅក្នុងពលវទុក្ខបច្ចុប្បន្នរបស់វា។ រឿងជាច្រើនត្រូវបានទទួលយកយ៉ាងទូលំទូលាយដើម្បីមានភាពប្រាកដប្រជានិងមិនអាចរង្គោះរង្គើគឺត្រូវបានគេចោទសួរ ហើយលទ្ធផលវក់វីរ គឺកំពុងបង្កើតសេចក្តីចង់បានមួយសម្រាប់ការធ្វើឯកភាពវូប្បនីយកម្មទស្សនវិស័យមួយ។ សំឡេងបន្ទបានបន្លឺឡើងក្នុងការគាំទ្រភាពតែមួយ ភាពស្មើគ្នានិងភាពយុត្តិធម៌ បង្ហាញថាតើមានមនុស្សប៉ុន្មាននាក់ចែករំលែកសេចក្តីប៉ងប្រាថ្នាទាំងនេះសម្រាប់សង្គមនានារបស់ពួកគេ។ តាមពិត វាគ្មានការភ្ញាក់ផ្អើលចំពោះអ្នកជំនឿម្នាក់របស់ព្រះបាហាអ៊ុលឡាហ៍ ដែលជាសោភ័ណភាពប្រកបដោយសព្ទសារធុការពររបស់ព្រះ ដែលបេះដូងទាំងឡាយគួរតែចង់បានសម្រាប់ឧត្តមគតិផ្នែកស្មារតីដែលទ្រង់បានប្រកាស។ ប៉ុន្តែទោះជាយ៉ាងណាក៏ដោយយើងរកឃើញថាគួរឱ្យចាប់អារម្មណ៍ក្នុងរយៈពេលមួយឆ្នាំ នៅពេលដែលការរំពឹងទុកសម្រាប់ការរីកចម្រើនរួមគ្នារបស់មនុស្សជាតិហាក់ដូចជាគ្មានការអាប់អួរ ពន្លឺនៃជំនឿសាសនារបស់ព្រះបានបញ្ចេញរស្មីជាមួយនឹងភាពអស្ចារ្យគួរឱ្យភ្ញាក់ផ្អើលដែលមានសន្និសីទច្រើនជាងដប់ពាន់កន្លែង ដែលបានចូលរួមដោយមនុស្សជិតមួយលានកន្លះ ដែលបានផ្តោតអារម្មណ៍លើមធ្យោបាយនៃការគាំទ្រឧត្តមគតិទាំងនោះដូចគ្នា។ ទស្សនវិស័យរបស់ព្រះបាហាអ៊ុលឡាហ៍និងការក្រើនរំលឹករបស់ទ្រង់ចំពោះមនុស្សជាតិដើម្បីធ្វើការក្នុងការឯកភាពគ្នាសម្រាប់ភាពល្អប្រសើររបស់ពិភពលោកនោះ គឺជារង្វង់កណ្តាលដែលកត្តាផ្សេងគ្នារបស់សង្គមបានប្រមូលផ្តុំយ៉ាងអន្ទះសារ ហើយគ្មានការងឿងឆ្ងល់នោះឡើយ ដូចដែលអង្គពិសិដ្ឋអាប់ឌុលបាហាបានពន្យល់ថា “គ្រប់សហគមន៍ក្នុងពិភពលោកបានស្វែងរកក្នុងការបង្ហាត់បង្រៀនដ៏ពិសិដ្ឋរបស់ព្រះទាំងនេះគឺស្វែងយល់ពីសេចក្តីប្រាថ្នាទាំងឡាយដ៏ខ្ពស់បំផុតរបស់វា” ។ បំណងប្រាថ្នារបស់មនុស្សជាតិមួយចំនួនជាដំបូងអាចត្រូវបានទាក់ទាញដល់សហគមន៍បាហៃជាកន្លែងជ្រកកោនមួយ ជាជម្រកមួយពីពិភពលោកមួយដែលបានបែកខ្ញែកនិងស្លន់ស្លោរ។ ទោះជាយ៉ាងណាក្តីក្រៅពីជម្រកមួយនោះ អ្វីដែលពួកគេស្វែងរកគឺមនុស្សទាំងឡាយជាញាតិមិត្តដែលកំពុងធ្វើការជាមួយគ្នាដើម្បីស្ថាបនាពិភពលោកថ្មីមួយ។

ចំនួនជាច្រើនត្រូវបានសរសេរអំពីការរីកសាយភាយនៃសន្និសីទជាច្រើនកន្លែង សន្ទុះដ៏វិសេសជាច្រើនដែលពួកគេចូលរួមចំណែកចំពោះគម្រោងថ្មីរបស់ព្រះ ឬការបង្ហាញភាពរីករាយពិតៗនិងភាពសាទរអស់ពីដួងចិត្តបានធ្វើឱ្យនឹកឃើញពីអ្នកទាំងនោះដែលបានចូលរួម។ ប៉ុន្តែនៅក្នុងបញ្ញត្តិទាំងនេះគឺចំពោះអ្វីដែលពួកគេបានប្រកាសអំពីការអភិវឌ្ឍនៃបុព្វហេតុសាសនារបស់ព្រះ។ ពួកគេមានការឆ្លុះបញ្ចាំងមួយអំពីសហគមន៍បាហៃដែលឃើញភាពជាសាច់ញាតិនឹងគ្នា គ្មានភាពខុសគ្នានោះឡើយ។ ទស្សនវិស័យនេះបានធ្វើឱ្យវាមានលក្ខណៈជាធម្មជាតិ ដើម្បីស្វែងរកគម្រោងផែនការប្រាំបួនឆ្នាំរបស់ព្រះនៅឯការជួបជុំទាំង ឡាយដែលគ្រប់គ្នាបានស្វាគមន៍។ មិត្តទាំងឡាយគិតគូរពិចារណាដល់ភាពជាប់ពាក់ព័ន្ធរបស់គម្រោងផែនការរបស់ព្រះចំពោះសង្គមទាំងឡាយរបស់ពួកគេក្នុងការអមដំណើរគ្នា មិនមែនត្រឹមតែបុគ្គល គ្រួសារនានាប៉ុណ្ណោះទេ ប៉ុន្តែដល់មេដឹកនាំមូលដ្ឋាននិងតំណាងអាជ្ញាធរទាំងឡាយផងដែរ។ ការប្រមូលផ្តុំមនុស្សជាច្រើនមកជួបជុំគ្នានៅកន្លែងមួយនោះ បានបង្កើតលក្ខខណ្ឌទាំងឡាយសម្រាប់ការសន្ទនាផ្តោះប្តូរយោបល់អំពីភាពរីកចម្រើនផ្នែកស្មារតីនិងសង្គមដែលកំពុងលាតត្រដាងគ្រប់ទីកន្លែងលើពិភពលោក។ ការចូលរួមចំណែកដ៏ពិសេសដែលការជួបជុំគ្នាបែបនេះ_ក្នុងពេលបើកប្រកបដោយការលើកកម្ពស់ និងពោរពេញដោយការប្តេជ្ញាចិត្តអាចបង្កើតការពង្រីកលំនាំនៃការអភិវឌ្ឍសហគមន៍ក្នុងកម្រងមួយ គឺជាមេរៀនដ៏មានតម្លៃមួយសម្រាប់ស្ថាប័នបាហៃដើម្បីចងចាំនាពេលអនាគត។

ដូចនេះហើយមិត្តដ៏ជាទីស្មោះត្រង់ បានចូលទៅក្នុងឆ្នាំទីពីរនៃគម្រោងការរបស់ព្រះជាមួយនឹងនេត្ត្រាទស្សន៍ថ្មីមួយនិងការឈ្វេងយល់ដ៏ជ្រាលជ្រៅអំពីសារសំខាន់នៃអ្វីដែលពួកគេស្វែងរក ដើម្បីសម្រេចឱ្យបាន។មើលទៅសកម្មភាពទាំងឡាយខុសគ្នាយ៉ាងណាខ្លះនៅពេលដែលបានឃើញពន្លឺនៃអានុភាពស្ថាបនាសហគមន៍ដែលពួកគេបញ្ចេញមកនោះន^+! នេះគឺជាការរំពឹងទុកដ៏ធំធេងដែលធ្វើឱ្យសកម្មភាពទាំងទាំងឡាយមាននិរន្តភាព ដែលត្រូវបានគេមើលឃើញថាជាសកម្មភាពនៃការបម្រើដាច់ដោយឡែកឬគ្រាន់តែជាចំណុចទិន្នន័យ។ ពីកន្លែងមួយទៅកន្លែងមួយ ការផ្តួចផ្តើមគំនិតដែលកំពុងត្រូវបានស្វែងរកបង្ហាញថាការរៀនសូត្រមួយរបស់ប្រជាជនពីរបៀបដើម្បីបង្កើនការទទួលខុសត្រូវ ដើម្បីរកផ្លូវនៃការអភិវឌ្ឍផ្ទាល់ខ្លួនរបស់វា។ លទ្ធផលនៃការផ្លាស់ប្តូរផ្នែកសង្គមនិងស្មារតីបង្ហាញខ្លួនវានៅក្នុងជីវិតរបស់មនុស្សម្នាក់ក្នុងវិធីផ្សេងគ្នាជាច្រើន។ ក្នុងស៊េរីនៃផែនការរបស់ព្រះមុន វាអាចត្រូវបានគេមើលឃើញយ៉ាងច្បាស់ក្នុងការលើកកម្ពស់ការអប់រំស្មារតីនិងការបួងសួងរួមគ្នា។ នៅក្នុងស៊េរីនៃផែនការថ្មីទាំងឡាយរបស់ព្រះនេះការបង្កើនការយកចិត្តទុកដាក់ត្រូវបានផ្តល់ចំពោះដំណើរការទាំងឡាយដែលស្វែងរកដើម្បីបង្កើនជីវិតនៃសហគមន៍មួយ ជាឧទាហរណ៍ ដោយការធ្វើឱ្យប្រសើរឡើងសុខភាពសាធារណៈ ការការពារបរិស្ថាន ឬការជម្រុញដ៏មានប្រសិទ្ធភាពខ្លាំងឡើងៗអំពីអានុភាពនៃសិល្បៈ។ តាមពិតអ្វីដែលត្រូវបានទាមទារចំពោះទិដ្ឋភាពទាំងឡាយដែលបំពេញបន្ថែមនៃសុខុមាលភាពរបស់សហគមន៍ ដើម្បីការរីកចម្រើនទៅមុខនោះគឺសមត្ថភាពដើម្បីចូលរួមក្នុងការរៀនសូត្រជាប្រព័ន្ធក្នុងគ្រប់ផ្នែកទាំងអស់__សមត្ថភាពមួយដែលទាញយកការឈ្វេងយល់ដ៏ជ្រាលជ្រៅដែលកើតចេញពីការបង្ហាត់បង្រៀនទាំងពួងរបស់ព្រះ និងពីឃ្លាំងផ្ទុកនៃចំណេះដឹងរបស់មនុស្សជាតិដែលបានបង្កើតឡើងតាមរយៈការអង្កេតនៃវិទ្យាសាស្រ្ត។ នៅពេលដែលសមត្ថភាពនេះលូតលាស់នោះវានឹងត្រូវបានធ្វើឱ្យសម្រេចបានក្នុងរយៈពេលប៉ុន្មានទសវត្សខាងមុខនេះ។

នេះបានពង្រីកទស្សនវិស័យស្ថាបនាសហគមន៍ដែលមានការជាប់ព័ន្ធគ្នាយ៉ាងទូលំទូលាយ។ សហគមន៍នីមួយៗគឺឋិតនៅលើមាគ៌ាផ្ទាល់ខ្លួនឆ្ពោះទៅរកការយល់ដឹងរបស់ខ្លួន។ ប៉ុន្តែភាពរីកចម្រើនក្នុងកន្លែងមួយជាញឹកញាប់មានក្ខណៈពិសេសដូចគ្នាជាមួយនឹងការរីកចម្រើននៅកន្លែងផ្សេងទៀតដែរ។ លក្ខណៈពិសេសនោះគឺថានៅពេលដែលសមត្ថភាពកើនឡើង ហើយបន្ទាប់មកអានុភាពទាំងឡាយរបស់សហគមន៍ប្រចាំប្រទេសឬប្រចាំតំបន់កើនទ្វេដងក្នុងពេលវេលាដ៏ពេញលេញ លក្ខខណ្ឌនានាតម្រូវសម្រាប់ការលេចឡើងនូវម៉ាស្រ្ហីគុលអាស្កាដែលបានដាក់់ចេញក្នុងរីដវ៉ាន់២០១២របស់យើង ទីបំផុតត្រូវបានបំពេញរួចជាស្ថាពរ។ ដូចដែលយើងបានចង្អុលបង្ហាញក្នុងសារលិខិតរបស់យើងផ្ញើជូនអ្នកកាលពីរីដវ៉ាន់កន្លងមក អ៊ីចឹង។ យើងនឹងកំណត់ពេលវេលាតាមទីកន្លែងកំណត់ ដែលទីសក្ការបូជាបាហៃមួយគឺត្រូវបានសាងសង់ឡើង។ យើងត្រូវបានរីករាយឥតឧបមាដើម្បីអំពាវនាវនៅពេលនេះ ចំពោះការសាងសង់ទីសក្ការបូជាប្រចាំតំបន់នៅ កាន់ឆាំពូ ប្រទេសណេប៉ាល់ និង មីនីលុងហ្គា ប្រទេសសាំប៊ែ។ ក្រៅពីនេះយើងអំពាវនាវសម្រាប់ទីសក្ការបូជាប្រចាំប្រទេសត្រូវបានសាងសង់ឡើងក្នុងប្រទេសកាន់ណាដា នៅជិតហាសៀរ៉ា ទូល ឃូត ដែលបានបង្កើតឡើងជាយូរមកហើយក្នុងទីក្រុងតូរ៉ូនតូ។គម្រោងការទាំងនេះ នឹងទទួលបានអត្ថប្រយោជន៍ពីការជួយឧបត្ថម្ភដល់មូលនិធិទីសក្ការបូជាដោយមិត្តទាំងឡាយក្នុងគ្រប់ប្រទេស ហើយគម្រោងផ្សេងទៀតត្រូវបានផ្តួចផ្តើមនាពេលអនាគត។

សព្ទសាធុការពរដ៏ច្រើនអនេក ដែលព្រះអាទិទេពដ៏មានសប្បុរសបានជ្រើសរើសដើម្បីប្រទានមកដល់អ្នកជាទីស្រឡាញ់របស់ទ្រង់។ ការអំពាវនាវដ៏ឧត្តុង្គឧត្តមគឺជារំពឹងទុកដ៏ធំធេង។ នេះជាពេលវេលាដែលយើងទាំងអស់គ្នាត្រូវបានកោះហៅដើម្បីបម្រើ។ ដូចនេះការសូត្រធម៌ទាំងឡាយប្រកបដោយភាពក្លៀវក្លាក្នុងនាមរបស់អ្នកនិងសម្រាប់កិច្ចប្រឹងប្រែងទាំងពួងដែលមិនចេះហត់នឿយរបស់អ្នកនោះ យើងទទូចអង្វរករនៅឯធរណីទ្វាររបស់ព្រះបាហាអ៊ុលឡាហ៍។

ធម្មសភាយុត្តិធម៌សកល

ទាញយកឯកសារ

សាររីដវ៉ាន់ ២០២២

by admin | May 11, 2025 | សារលិខិត រីដវ៉ាន់

ធម្មសភាយុត្តិធម៌សកល

រីតវ៉ាន់ឆ្នាំ២០២២

ជូនចំពោះបាហៃពិភពលោក
មិត្តបាហៃជាទីស្រលាញ់

រយៈពេលមួយឆ្នាំនៃការរៀបចំនិងការឆ្លុះបញ្ចាំង ក៏ដូចជាការខិតខំដែលបានបង្ហាញអោយឃើញពីការប្រឹងប្រែងរបស់មិត្តទូទាំងពិភពលោកដើម្បីប្រារព្ធខួបមួយរយឆ្នាំនៃការបរិនិញ្វនរបស់អង្គពិសិដ្ឋអាប់ឌុលបាហា ដែលមានការបញ្ជូន អ្នកតំណាងអោយទៅចូលរួមក្នុងព្រឹត្តិការណ៍ពិសេសមួយនេះ ដើម្បីសម្តែងការគោរពព្រះអង្គនៅក្នុងទឹកដីស័ក្តិសិទ្ធិនោះ បានបិទបញ្ចប់ហើយ។ តាមរយៈការប្រឹងប្រែងទាំងនេះ ការបំផុសគំនិតលើកទឹកចិត្តដែលគេបានផ្តល់អោយតាមរយៈឆាកជីវិតរបស់អង្គពិសិដ្ឋអាប់ឌុលបាហានោះ ត្រូវបានគេធ្វើអោយភ្ញាក់រលឹកដល់មនុស្សច្រើនរាប់មិនអស់មិនមែនតែសាសនិក ជនបាហៃប៉ុណ្ណោះទេ។ ការយកព្រះទ័យទុកដាក់របស់ព្រះអង្គចំពោះសមាជិកគ្រួសារមនុស្សជាតិ ការងារបង្ហាត់បង្រៀន របស់ព្រះអង្គ ការលើកកម្ពស់ការយល់ដឹងផ្នែកខាងការអប់រំនិងសុខុមាលភាពសង្គម ការរួមចំណែកយ៉ាងជ្រាលជ្រៅទៅនឹង ការផ្តល់មតិទាំងនៅក្នុងបូព៌ានិងបស្ចឹមប្រទេសរបស់ព្រះអង្គ ការលើកទឹកចិត្តដ៏ស្មោះស្ម័គ្រចំពោះគម្រោងសាងសង់ទីសក្ការបូជារបស់ព្រះអង្គ ការបង្កើតអោយមានទម្រង់បឋមនៃការគ្រប់គ្រងរដ្ឋបាលបាហៃរបស់ព្រះអង្គ ការអប់រំពីទស្សនៈវិស័យ នានាពីជីវិតសហគមន៍របស់ព្រះអង្គ លក្ខណៈដែលពឹងពាក់គ្នាទៅវិញទៅមកទាំងអស់នៃឆាកជីវិតរបស់ព្រះអង្គនេះគឺជាការ ឆ្លុះបញ្ចាំងមួយអំពីការលះបង់ឥតឈប់ឈរ និងពេញលេញរបស់ព្រះអង្គក្នុងការបម្រើព្រះ និងបម្រើមនុស្សជាតិ។ ក្រៅពីបុគ្គលជាតួអង្គដែលមានសីលធម៌ខ្ពស់ជាងគេនិងមានការយល់ដឹងផ្នែកខាងស្មារតីលើសពីការស្មាននោះ អង្គពិសិដ្ឋអាប់ ឌុលបាហាក៏ជាបណ្តាញបរិសុទ្ធ ដែលសម្រាប់បង្ហូរកម្លាំងថាមពលតាមការត្រាស់ដឹងរបស់ព្រះបាហាអ៊ុលឡាហ៍អោយមកដល់ពិភពលោកផងដែរ។ ដើម្បីយល់អំពីអំណាចកសាងសង្គមដែលជំនឿសាសនាមាននោះ អ្នកមិនចាំបាច់សម្លឹងមើលអ្វី ដែលហួសឆ្ងាយពីសមិទ្ធិផលរបស់អង្គពិសិដ្ឋអាប់ឌុលបាហាក្នុងអំឡុងពេលរាជកិច្ចរបស់ព្រះអង្គ និងឥទ្ធិពលផ្លាស់ប្តូរនៃមគ្គុទ្ទេសក៍ដែលហូរចេញពីប៉ាកការបស់ព្រះអង្គឥតឈប់ឈរនោះឡើយ។ បច្ចុប្បន្ននេះសហគមន៍បាហៃបានធ្វើអោយមានការរីកចម្រើនអស្ចារ្យ ដែលគេបានពិនិត្យអង្កេតមើលនៅក្នុងសាររបស់យើងដែលបានផ្តល់អោយអ្នកនាបុណ្យរីតវ៉ាន់ចុងក្រោយនេះ¬¬ ជាគន្លងដើមរបស់ពួកវាក្នុងការធ្វើសកម្មភាព ក្នុងការសម្រេចចិត្តនិងការណែនាំរបស់អង្គពិសិដ្ឋអាប់ឌុលបាហា។

នៅខណៈពេលនេះ បើសហគមន៍បាហៃចាប់ផ្តើមចែកចាយនូវកិច្ចការសំខាន់របស់ខ្លួនដែលផ្តោតការយកចិត្តទុកដាក់លើការផ្សព្វផ្សាយនូវអំណាចកសាងសង្គមរបស់ជំនឿសាសនាតាមវិធានការដែលកាន់តែធំ ហើយសម្តែងនូវការគោរព រួមគ្នាដល់តួអង្គដែលជាគម្រូសុក្រឹតភាពរបស់ខ្លួននោះ មិនដឹងថាវាល្អសមរម្យប៉ុណ្ណាទេហ្ន៎។ ផ្នែកនៃការប្រឹងប្រែងដែលស្ថិត នៅក្នុងវិសាលភាពនៃផែនការប្រាំបួនឆ្នាំនិងស៊េរីផែនការបច្ចុប្បន្នត្រូវបានគេតម្រង់ឆ្ពោះទៅរកការសម្រេចគោលបំណងដ៏ទូលំទូលាយនេះ។ ចំពោះរឿងនេះ សន្និសីទដែលមានជាង១០,០០០សន្និសីទដែលនឹងត្រូវបានគេធ្វើនៅពាសពេញពិភពលោកដើម្បីបង្ហាញនូវការចាប់ផ្តើមរបស់បរិស័ទដែលប្រកបដោយស្មារតីនេះក៏ត្រូវបានគេផ្តោតការយកចិត្តទុកដាក់ផងដែរ។ គេរំពឹងទុកមុនថាសន្និសីទទាំងនេះ នឹងទទួលស្វាគមន៍នូវចំនួនអ្នកចំណូលរួមដ៏ច្រើនមិនធ្លាប់មានពីមុន ហើយសន្និសីទទាំង នេះ មានបំណងប្រមូលផ្តុំគ្នាមិនមែនត្រឹមតែសាសនិកជនបាហៃប៉ុណ្ណោះទេ ប៉ុន្តែក៏មានបំណងប្រមូលផ្តុំអ្នកដែលមានបំណងប្រាថ្នាល្អដល់មនុស្សជាតិផ្សេងៗទៀតជាច្រើន ក៏ដូចជាអ្នកដែលមានបំណងប្រាថ្នាក្នុងការចែករំលែកជាមួយពួកគេ នូវបំណងប្រាថ្នាដើម្បីជម្រុញអោយមានឯកភាព ហើយនិងធ្វើអោយពិភពលោកល្អប្រសើរឡើង។ ការតាំងចិត្តហើយនិង គោលបំណងរឹងមាំរបស់ពួកគេត្រូវបានគេឆ្លុះបញ្ចាំងនៅក្នុងស្មារតីដែលគេបានបង្កើតឡើងនៅតាមទីកន្លែងជួបជុំ ដែលគេបានបង្កើតឡើងរួចហើយ ហើយនៅទីនោះគឺជាទីកន្លែងដែលអ្នកចំណូលរួមត្រូវបានគេធ្វើអោយមានការពិគ្រោះគ្នាយ៉ាងសកម្មនិងស្វាហាប់ ការពិគ្រោះគ្នានេះគឺជាការពិគ្រោះគ្នាអំពីអ្វីដែលពួកគេបានរួមចំណែកតាមចក្ខុវិស័យរួមគ្នាដែលគេបាន បង្ហាញឱ្យឃើញនៅក្នុងឱកាសដ៏រីករាយនេះ។ យើងទាំងអស់គ្នាកំពុងតែទន្ទឹងរង់ចាំមើលផ្លូវយ៉ាងអន្ទះសារនូវអ្វីដែលខែនិងឆ្នាំនៅខាងមុខនេះ នឹងនាំអ្វីខ្លះមកដល់យើង។

តាំងពីយើងបានថ្លែងសារថ្ងៃទី៣០ ខែធ្នូ ឆ្នាំ២០២១ របស់យើងទៅកាន់សន្និបាតអ្នកផ្តល់ឱវាទរួចមក ធម្មសភាជាតិ ហើយនិងក្រុមប្រឹក្សាបាហៃប្រចាំភូមិភាគបាននឹងកំពុងវាយតម្លៃដោយចិត្តស្មោះអំពីលទ្ធភាព សម្រាប់ការពង្រឹងដំណើរការលូតលាស់នៅក្នុងកម្រងដែលស្ថិតនៅក្នុងដែនសមត្ថកិច្ចរបស់ពួកគេ អំឡុងពេលផែនការប្រាំបួនឆ្នាំ។ យើងមានអារម្មណ៍ ដឹងថា វានឹងមានប្រយោជន៍ក្នុងការពិនិត្យមើលផែនការនេះដែលជាផែនការលាតត្រដាងជាពីរដំណាក់កាលដែលមានរយៈ ពេលប្រាំបួនឆ្នាំ ហើយធម្មសភាជាតិត្រូវបានគេស្នើសុំអោយធ្វើការពិចារណាគិតអំពីភាពរីកចម្រើនដែលពួកគេរំពឹងថា នឹងឃើញនៅក្នុងសហគមន៍រៀងៗខ្លួននៅរីតវ៉ាន់ឆ្នាំ២០២២ ហើយបន្ទាប់មកនៅរីតវ៉ាន់ឆ្នាំ២០៣១ សម្រាប់គោលបំណងនៃការវាស់ស្ទង់កម្រិតវឌ្ឍនភាពដែលបានធ្វើឡើងតាមពេលវេលា។ ការប្រើចំណុចបែបនេះក៏ត្រូវបានគេធ្វើអោយជាប់ពាក់ព័ន្ធនឹងការវាយតម្លៃព្រំដែនកម្រងផងដែរ ហើយការកែតម្រូវទាំងនេះគឺជាការកែតម្រូវនូវចំនួនសរុបនៃកម្រងនៅក្នុងពិភពលោកបានកើនឡើងមួយភាគបួន ហើយឥឡូវនេះមានចំនួនដល់ទៅ២២,០០០កម្រងហើយ។ ការវិនិច្ឆ័យដែលទទួលបានតាមការព្យាករណ៍នោះ វាត្រូវបានគេប៉ាន់ប្រមាណថានៅចុងបញ្ចប់នៃផែនការ កម្រងដែលមានកម្មវិធីលូតលាស់ដែលជាកម្រិតនៃការអភិវឌ្ឍនោះនឹងមាននៅក្នុងរង្វង់ចំនួន១៤,០០០កម្រងក្នុងចំណោមកម្រងទាំងនេះ។ ពីក្នុងចំណោមពួកវានោះ ចំនួនកន្លែងដែលកម្មវិធីលូតលាស់ខ្លាំងត្រូវបានគេពិចារណានោះ គឺត្រូវបានគេបញ្ចេញឱ្យឃើញដល់ទៅ១១,០០០កម្រង នៅក្នុង រយៈពេលដូចគ្នានេះ។ ហើយនៅក្នុងចំណោមនេះ វាត្រូវបានគេរំពឹងថាចំនួនកម្រងដែលបានដល់បង្គោលឡាក់ទីបីនឹងកើនឡើងលើសពី៥,០០០កម្រងនៅឆ្នាំ២០៣១។ ពិតណាស់ដើម្បីធ្វើអោយមានការរីកចម្រើនបែបនេះនោះ គេនឹងតម្រូវឱ្យមានការខិតខំប្រឹងប្រែងយ៉ាងច្រើនក្នុងរយៈពេលផែនការទាំងមូល។ ប៉ុន្តែយើងយល់ឃើញថានេះគឺជាបំណងប្រាថ្នាដែលប្រកប ដោយតម្លៃឆ្ពោះទៅរកការខិតខំប្រឹងប្រែង ព្រោះពួកវាតំណាងអោយការវាយតម្លៃប្រកបដោយមហិច្ឆិតា ប៉ុន្តែវាជាការវាយតម្លៃដ៏ធំធេងពីអ្វីដែលអាចទៅដល់បាន។

សូមប្រាប់ទៅចុះ។ គោលបំណងបែបនេះពិតជាមិនអាចសង្ឃឹមបានទេប្រសិនបើស្ថាប័ននិងទីភ្នាក់ងារគ្រប់គ្រងរដ្ឋបាលមិនមានការវិវឌ្ឍគួរឱ្យកត់សម្គាល់ បើមិនមានការផ្តល់ឱ្យពួកគេនូវសមត្ថភាពដែលមានកម្រិតខ្ពស់ដែលជាចំណុចសំខាន់ក្នុងការគ្រប់គ្រងកិច្ចការរបស់សហគមន៍ណាមួយដែលសកម្មភាពរបស់វាបានកើនឡើងយ៉ាងលឿន បើមិនមានចំនួន មនុស្សដូចគ្នាលូតលាស់ឡើងជាចំនួនធំទេនោះ។ បំណងប្រាថ្នាចង់បានការលូតលាស់បែបនេះ វាមិនអាចទៅរួចទេបើចំណង់ចង់រៀ¬ន ដើម្បីធ្វើសកម្មភាព ដើម្បីឆ្លុះបញ្ចាំង ដើម្បីចាប់យកចំណេះដឹង ហើយនិងដើម្បីស្រូបយកចំណេះដឹងដែលកើតឡើងនៅកន្លែងផ្សេង មិនត្រូវបានគេដាំបណ្តុះនៅតាមកម្រិតគ្រប់កម្រិតទាំងអស់ អោយបានរីកសាយដល់សហគមន៍ ដែលជាមូលដ្ឋាននោះទេ។ ហើយកិច្ចខិតខំប្រឹងប្រែងដែលបានបង្ហាញដោយការព្យាយាមបែបនេះ វានឹងជួបការលំបាកខ្លាំងណាស់ បើវិធីសាស្រ្តជាប្រព័ន្ធចំពោះការបង្ហាត់បង្រៀននិងការអភិវឌ្ឍធនធានមនុស្សមិនត្រូវបានគេបង្ហាញឱ្យឃើញកាន់តែ ខ្លាំងឡើងនៅក្នុងពិភពបាហៃទេនោះ។ ទាំងអស់នេះគឺសុទ្ធតែជាការនំាមកនូវភាពជឿនលឿននៅក្នុងការយល់ដឹងរបស់សហគមន៍បាហៃ អំពីអត្តសញ្ញាណនិងគោលបំណងផ្ទាល់ខ្លួនរបស់វា។ ការសម្លឹងមើលទៅខាងក្រៅគឺជាការយកចិត្តទុកដាក់មួយក្នុងដំណើរការនៃការកសាងសហគមន៍នោះ ត្រូវបានគេបង្កើតឱ្យមានជាទស្សនៈវប្បធម៌នៅក្នុងកន្លែងជាច្រើន កន្លែងរួចហើយ។ ឥឡូវនេះវាបានរីកដុះដាលនៅក្នុងសហគមន៍កើតឡើងជាចំនួនច្រើន ហើយវាបានកើតមានជាគំនិតដែលមានការទទួលខុសត្រូវពិតប្រាកដសម្រាប់ការរីកចម្រើននៅក្នុងសង្គមដល់ក្រុមមនុស្សកាន់តែធំឡើងៗទាំងផ្នែកស្មារតីនិងសម្ភារៈដែលធ្វើឱ្យសមាជិកភាពរបស់សហគមន៍ខ្លួនឯងកាន់តែល្អប្រសើរឡើង។ កិច្ចខិតខំប្រឹងប្រែងរបស់មិត្តក្នុងការកសាងសហគមន៍ចូលរួមក្នុងសកម្មភាពសង្គម និងរួមចំណែកដល់ការផ្តល់មតិទូទៅដល់សង្គមបានប្រមូលផ្តុំគ្នាឱ្យកើតបានជា បរិស័ទជាសកលតែមួយ ហើយបានចងភ្ជាប់គ្នាដោយគម្រោងរួមគ្នាសម្រាប់សកម្មភាពដែលផ្តោតលើការជួយមនុស្សជាតិ ដើម្បីបង្កើតកិច្ចការរបស់ខ្លួនដែលឈរនៅលើមូលដ្ឋានគ្រឹះនៃគោលការណ៍ស្មារតី។ ខ្លឹមសារនៃការអភិវឌ្ឍដែលយើងបានពិពណ៌នាអំពីការឈានដល់ចំណុចមួយរយឆ្នាំក្រោយពីការសម្ពោធនៃសណ្តាប់ធ្នាប់គ្រប់គ្រងនេះមិនអាចមើលរំលងបានឡើយ។ ពីរទសវត្សរ៍ចុងក្រោយនេះគេបានធ្វើអោយសមត្ថភាពកើនឡើងមិនធម្មតា ហើយសមត្ថភាពនោះគឺជាសមត្ថភាព ដែលអាចធ្វើឱ្យបាហៃពិភពលោកមានសមត្ថភាពក្នុងការពិនិត្យមើលការខំប្រឹងប្រែងរបស់ខ្លួនតាមលក្ខខណ្ឌក្នុងការបញ្ចេញ នូវអំណាចកសាងសង្គមរបស់ជំនឿសាសនា នោះគឺថាយើងបានឃើញភស្តុតាងច្បាស់មិនអាចប្រកែកបានឡើយថាបុព្វ ហេតុសាសនារបស់ព្រះបានចូលដល់ជំនាន់ទីប្រាំមួយនៃយុគសម័យលូតលាស់ហើយ។ រីតវ៉ាន់ចុងក្រោយ យើងបានប្រកាសថាបាតុភូតនៃការរីករាលដាលអំពីការចូលរួមជាចំនួនធំក្នុងសកម្មភាពបាហៃ ត្រូវបានគេដុតឱ្យឆេះដោយការជឿជាក់ ហើយនិងការទទួលបាននូវជំនាញនិងសមត្ថភាពក្នុងការបម្រើសហគមន៍របស់ពួកគេបានប្រាប់ជាសញ្ញាថា ជំនាន់ទីបី នៃផែនការមេរបស់ព្រះបានចាប់ផ្តើមដំណើរការហើយ។ ការផ្តើមនិងការបញ្ចប់នៃផែនការមួយឆ្នាំរបស់វាឥឡូវនេះបានធ្វើជា បណ្តុំនៃការរីកចម្រើនជាប្រវត្តិសាស្រ្ត ហើយការរីកចម្រើននេះបានបង្កើតឡើងដោយក្រុមរបស់មនុស្សដែលមានជំនឿជឿជាក់។ ហើយភារកិច្ចដែលប្រកបដោយឫទ្ធិនៅឯច្រកទ្វារកម្រិតថ្មីនៃអង្គភាពរួមគ្នារបស់អ្នកជំនឿនេះបានត្រៀមខ្លួនរួចជាស្រេចដើម្បីទទួលយកសមត្ថភាពដែលកំពុងបើកចំហយ៉ាងទូលំទូលាយនៅចំពោះមុខវា។

ការសាងសង់ទីសក្ការបូជាប្រចាំទ្វីបចុងក្រោយដែលជាចំណុចសំខាន់នៃសម័យនេះ ត្រូវបានបញ្ចប់នៅគ្រានេះ ហើយងាកទៅបង្កើតគម្រោងការងារស្ថាបនាទីសក្ការបូជានៅតាមថ្នាក់ជាតិនិងតំបន់វិញម្តង។ ភាគច្រើនត្រូវបានគេស្វែងយល់អំពីគោលគំនិតនៃម៉ាស្រ៊ីគុលអាស្កា ហើយនិងការថ្វាយបង្គំនិងបម្រើរួមគ្នាដែលវាតំណាងឱ្យដោយសាសនិកជនបាហៃនៅជុំវិញពិភពលោក។ ក្នុងអំឡុងជំនាន់ទីប្រាំមួយនៃយុគសម័យលូតលាស់នោះ អ្វីដែលគេត្រូវស្វែងយល់បន្ថែមទៀតនោះ គឺអំពីមាគ៌ាដែលនាំមកពីការអភិវឌ្ឍនៅក្នុងសហគមន៍ណាមួយដែលមានជីវិតដែលប្រកបដោយការលះបង់កំពុងតែរីកចម្រើន ហើយនិងការបម្រើដែលវាបណ្តុះគំនិត ទៅនឹងការបង្ហាញឱ្យឃើញពីម៉ាស្រ៊ីគុលអាស្កា។ ហើយការបន្តរឿងនេះ ការពិគ្រោះយោបល់គ្នាកំពុងតែចាប់ផ្តើមជាមួយនឹងធម្មសភាជាតិផ្សេងៗគ្នាដែលយើងនឹងប្រកាសប្រាប់ជាបន្តបន្ទាប់អំពីទីកន្លែងដែលទីសក្ការបូជាបាហៃនឹងត្រូវសាងសង់ឡើងនៅក្នុងឆ្នាំខាងមុខនេះ។
យើងមានសេចក្តីរីករាយនៅពេលដែលយើងមើលឃើញសហគមន៍នៃព្រះនាមដ៏អស្ចារ្យបំផុត ធ្វើដំណើរទៅរកភាព រឹងមាំឡើងៗ ប៉ុន្តែយើងមានអារម្មណ៍ក្តុកក្តួលណាស់ នៅពេលដែលយើងមើលឃើញការតស៊ូនិងស្ថានភាពនិងជម្លោះដែល កើតមាននៅក្នុងពិភពលោកដែលជាការធ្វើអោយមានទុគ៌តភាពនិងការឈឺចាប់គួរឱ្យខ្លាចនេះ ជាពិសេសនៅពេលដែលយើងសង្កេតមើលឃើញឡើងវិញនូវកម្លាំងបំផ្លិចបំផ្លាញ ដែលបានធ្វើឱ្យមានបញ្ហាដល់ការងារអន្តរជាតិនៅពេលដែលយើងបានមើលឃើញពីសេចក្តីរន្ធត់កើតមានមកលើមនុស្ស។ យើងដឹងយ៉ាងច្បាស់ ហើយត្រូវបានគេធានាឡើងវិញថាសាវករបស់ព្រះបាហាអ៊ុលឡាហ៍ត្រូវបានគេសន្យាថានឹងមានការសង្រ្គោះ និងគាំទ្រដល់អ្នកទាំងឡាយណាដែលនៅជុំវិញខ្លួនពួកគេ ខណៈដែលសហគមន៍បាហៃបានបង្ហាញឱ្យឃើញម្តងហើយម្តងទៀត នៅក្នុងបរិបទផ្សេងៗគ្នាជាច្រើន មិនថាស្ថានភាពរបស់ពួកគេផ្ទាល់មានភាពតានតឹងយ៉ាងណានោះទេ។ ប៉ុន្តែនៅពេលណាមនុស្សជាតិទាំងមូលចាប់ផ្តើមអនុវត្តន៍កិច្ចការរបស់ខ្លួនដោយឈរលើមូលដ្ឋានគ្រឹះយុត្តិធម៌និងសច្ចធម៌នៅពេលណានោះ ទើបវិបត្តិដែលកើតពីមួយទៅមួយនោះ វានឹងផុតរលត់អស់។ ប្រសិនបើការផ្ទុះឡើងនៃសង្រ្គាមនៅអឺរ៉ុបនាពេលថ្មីៗនេះគឺដើម្បីផ្តល់មេរៀនខ្លះៗសម្រាប់ពេលអនាគតនោះ អញ្ចឹងយើងសូមបួងសួង សូមឱ្យវាបានក្លាយជាការនឹកឃើញជាបន្ទាន់អំពីដំណើរការដែលពិភពលោកត្រូវធ្វើ ប្រសិន បើវានឹងទទួលបាននូវសន្តិភាពពិតប្រាកដនិងយូរអង្វែង។ គោលការណ៍ដែលព្រះបាហាអ៊ុលឡាហ៍ប្រកាសទៅកាន់ព្រះ មហាក្សត្រនិងប្រធានាធិបតីកាលពីសម័យព្រះអង្គនោះ ប្រហែលជាជាប់ពាក់ព័ន្ធនិងចាំបាច់កាន់តែច្រើននាពេលបច្ចុប្បន្ននេះជាងកាលដែលពួកវាត្រូវបានគេកត់ត្រាទុកជាលើកដំបូងដោយប៉ាកការបស់ព្រះអង្គនិងទំនួលខុសត្រូវដ៏ធ្ងន់ ដែលព្រះ អង្គបានមានព្រះតំរិះជាមួយនឹងមេដឹកនាំកាលពីអតីតកាលនិងបច្ចុប្បន្ន។ សម្រាប់សាសនិកជនបាហៃ ការរីកចម្រើនដែលមិនអាចកាត់ថ្លៃបានពីផែនការសំខាន់របស់ព្រះនោះ គឺការនាំមកជាមួយវានូវការលំបាកនិងការច្របូកច្របល់ ប៉ុន្តែទីបំផុត វាជម្រុញឱ្យមនុស្សជាតិឆ្ពោះទៅរកភាពយុត្តិធម៌ សន្តិភាពនិងឯករាជភាព គឺជាបរិបទមួយដែលមាននៅក្នុងផែនការតូចៗ របស់ព្រះដែលអ្នកជំនឿត្រូវអនុវត្តន៍និងលាតត្រដាងជាចាំបាច់។ ស្ថានភាពរបស់សង្គមបច្ចុប្បន្នខុសប្រក្រតីបែបនេះ ធ្វើឱ្យ តម្រូវការសម្រាប់បញ្ចេញនូវអំណាចកម្លាំងសង្គមរបស់ជំនឿសាសនាកាន់តែច្បាស់លាស់ និងត្រូវការជាបន្ទាន់។ រយៈពេល នេះយើងគ្រាន់តែសង្ឃឹមថាការបាត់បង់ស្មារតីនិងការរំខាននេះ នឹងមិនបន្តធ្វើឱ្យពិភពលោកឈឺចាប់ទៀតឡើយ។ ពិត ណាស់ នៅខណៈពេលនេះសូមអ្នកត្រេកអរជាមួយនឹងគ្រប់ការអង្វរករដ៏ស្មោះបំផុតដែលយើងបានអង្វរករសម្រាប់អ្នកទាំងអស់គ្នាដែលជាកូនរបស់ព្រះ សូមអោយព្រះអង្គសង្រ្គោះពួកគេឱ្យបានចាកផុតពីការបាត់បង់ស្មារតីនិងទុក្ខលំបាកដ៏ជូរចត់ ហើយយើងក៏សូមបួងសួងដោយចិត្តស្មោះ ចំពោះការបម្រើដែលអ្នកកំពុងតែធ្វើការទទួលជោគជ័យដែលជាសេចក្តីត្រូវការចាំបាច់ដើម្បីបុព្វហេតុសាសនានៃមហាសន្តិភាព។

នៅក្នុងកម្រងគ្រប់កម្រងដែលជាទីកន្លែងសកម្មភាពរបស់ផែនការកំពុងមានសន្ទុះ ហើយយើងបានមើលឃើញអំពីការអភិវឌ្ឍរបស់សហគមន៍ដែលមានលក្ខណៈដ៏ប្រសើរ ហើយយើងក៏បានពិពណ៌នាអំពីវានៅក្នុងសារថ្ងៃទី៣០ខែធ្នូ ឆ្នាំ២០២១រួចហើយ។ នៅពេលណាសង្គមជួបប្រទះភាពតានតឹងបណ្តាលមកពីប្រទេសផ្សេងៗនោះ នៅពេលនោះលក្ខណៈ គុណសម្បត្តិនៃភាពរឹងមាំនិងសនិទានភាព(ភាពសមហេតុផល) របស់សាវកព្រះ (Abhá-Beauty) ត្រូវលេចធ្លោឡើងកាន់ តែខ្លាំង ព្រោះពួកគេប្រកាន់ខ្ជាប់ទៅនឹងគោលការណ៍ស្តង់ដានៃការប្រព្រឹត្តរបស់ពួកគេ ហើយចំពោះក្តីមេត្តា ការកាត់ផ្តាច់ខ្លួន ហើយនិងការអត់ធន់ដែលពួកគេបង្ហាញនោះ នឹងមាននៅក្នុងសកម្មភាពសាមគ្គីភាពរបស់ពួកគេ។ ម្តងហើយម្តងទៀត លក្ខណៈ និងអាកប្បកិរិយាខុសគ្នាដែលបានបង្ហាញដោយអ្នកជំនឿក្នុងដំណាក់កាលនៃការលំបាកខ្លាំងបានជម្រុញឱ្យ មនុស្សងាកទៅកាន់សាសនិកជនបាហៃ ដើម្បីសុំការពន្យល់ ដំបូន្មាននិងការគាំទ្រ ជាពិសេសនៅពេលដែលជីវិតនៃសង្គម មានការរកាំចិត្តដោយគ្រោះមហន្តរាយនិងការរំខានដែលមិនអាចដឹងមុនបាន។ ក្នុងការចែករំលែកនូវការសង្កេតទាំងនេះ យើងចងចាំថាសហគមន៍បាហៃខ្លួនឯងក៏ជួបប្រទះនូវឥទ្ធិពលនៃកម្លាំងនៃការបែកបាក់នៅតាមកន្លែងធ្វើការក្នុងពិភពលោក ផងដែរ។ ជាងនេះទៅទៀតយើងដឹងច្បាស់ថា ការខំប្រឹងប្រែងរបស់មិត្តកាន់តែច្រើនក្នុងការផ្សព្វផ្សាយព្រះបន្ទូលរបស់ព្រះ នោះ មិនយូរមិនឆាប់ទេ ពួកគេគង់តែជួបប្រទះកម្លាំងប្រឆាំងមកពីផ្នែកផ្សេងៗកាន់តែខ្លាំង។ ពួកគេត្រូវតែពង្រឹងចិត្តគំនិត និងស្មារតីរបស់ពួកគេដើម្បីទប់ទល់នឹងការសាកល្បងដែលប្រាកដជានឹងមកដល់នេះ ក្រែងលោការសាកល្បងនេះនឹងធ្វើ ឱ្យខូចដល់ភាពស្មោះត្រង់និងកិច្ចការខំប្រឹងប្រែងរបស់ពួកគេ។ ប៉ុន្តែអ្នកជំនឿត្រូវដឹងឱ្យច្បាស់ថា បើទោះជាមានព្យុះភ្លៀង នៅខាងមុខក៏ដោយក៏នាវានៃបុព្វហេតុសាសនានឹងសង្រ្គោះពួកគេទាំងអស់គ្នាបានទាន់ហេតុការណ៍ជានិច្ច។ ដំណាក់កាល នៃការធ្វើដំណើរជាបន្តបន្ទាប់របស់វាបានដឹងពីសញ្ញាធាតុអាកាសនិងរលក។ ឥឡូវនេះវាគឺជាបំណងសម្រាប់ជើងមេឃថ្មី។ អំណះអំណាងរបស់ព្រះដែលប្រកបដោយឫទ្ធិគឺជាខ្យល់កន្រ្ទាក់ដែលបំពេញកប៉ាល់របស់វា ហើយជម្រុញវាឆ្ពោះទៅរកគោលដៅរបស់វា។ ហើយកិច្ចព្រមព្រៀងគឺជាផ្កាយដ៏ធំរបស់វា ដោយវារក្សាទុកនូវវត្ថុដ៏ពិសិដ្ឋដែលឋិតនៅលើទិសដៅពិត ប្រាកដនិងជាក់លាក់របស់វា។ សូមឱ្យពួកពលបរិវារនៃឋានសួគ៌ប្រទានពរដល់អ្នកដែលបើកនាវានេះចុះ។

ធម្មសភាយុត្តិធម៌សកល

ទាញយកឯកសារ

សាររីដវ៉ាន់២០២១

by admin | May 11, 2025 | សារលិខិត រីដវ៉ាន់

ធម្មសភាយុត្តិធម៌សកល

សាររីដវ៉ាន់២០២១

ជូនចំពោះបាហៃពិភពលោក

មិត្តទាំងឡាយជាទីស្រឡាញ់!

១. ពាក្យពេចន៍ទាំងឡាយចុងក្រោយក្នុងជំពូកដែលគួរឱ្យចងចាំបំផុតមួយក្នុងប្រវត្តិសាស្រ្តនៃបុព្វហេតុសាសនារបស់ព្រះ ឥឡូវត្រូវបានគេនិពន្ធរួចមកហើយ រីឯទំព័រក៏បានបើកឡើងផងដែរ។ បុណ្យរីដវ៉ាន់នេះគូសបញ្ជាក់ពីការបញ្ចប់នៃឆ្នាំដ៏វិសាមញ្ញមួយនៃគម្រោងផែនការប្រាំឆ្នាំរបស់ព្រះ ព្រមទាំងឆ្នាំចុងក្រោយនៃស៊េរីគម្រោងផែនការទាំងឡាយរបស់ព្រះដែលបានចាប់ផ្តើមក្នុងឆ្នាំ១៩៩៦។ស៊េរីថ្មីមួយនៃគម្រោងផែនការទាំងឡាយរបស់ព្រះ ស្វាគមន៍នូវអ្វីដែលសន្យានោះក្លាយជាការបម្រើរយៈពេលដប់ពីរខែដ៏អស្ចារ្យដែលជាការចាប់ផ្តើមនូវការប្រឹងប្រែងប្រាំបួនឆ្នាំដែលនឹងចាប់ផ្តើមនៅរីដវ៉ាន់បន្ទាប់។ យើងឃើញនៅចំពោះមុខយើងនូវសហគមន៍មួយដែលបានរីកចម្រើននូវភាពរឹងមាំយ៉ាងលឿន និងត្រៀមរៀបចំបោះជំហានទៅមុខយ៉ាងស្វាហាប់។ប៉ុន្តែមិនត្រូវមានការស្រមើប្រមៃអំពីចំនួននៃការប្រឹងប្រែងដែលត្រូវបានគេតម្រូវ ដើម្បីឈានដល់ចំណុចនេះ ហើយការលំបាកយ៉ាងណាដើម្បីទទួលយកនូវការឈ្វេងយល់ដ៏ជ្រាលជ្រៅតាមដំណើរការនេះ ៖ មេរៀននានាដែលបានរៀនសូត្រនឹងផ្តល់ជារូបរាងឡើងនូវអនាគតរបស់សហគមន៍ ហើយរឿងរ៉ាវពីរបៀបដែលពួកគេត្រូវបានរៀនសូត្រនឹងបញ្ជាក់យ៉ាងច្បាស់ពីអ្វីដែលត្រូវមកដល់។

២. រាប់ទសវត្សដែលឈានដល់ឆ្នាំ១៩៩៦ មានការរីកចម្រើនជាច្រើន ហើយការឈ្វេងយល់ដ៏ជ្រាលជ្រៅនានានៃភាពផ្ទាល់ខ្លួនរបស់ពួកវាបានបន្សល់ទុក ដោយគ្មានការសង្ស័យពីចំនួនដ៏ច្រើននៃប្រជាជនទាំងឡាយនៅក្នុងសង្គមជាច្រើនដែលនឹងត្រៀមរួចជាស្រេចដើម្បីជ្រកក្រោមបដានៃជំនឿសាសនា។ ប៉ុន្តែការជម្រុញដូចជាការចុះឈ្មោះទ្រង់ទ្រាយធំនោះ ពួកគេមិនគួរបានគិតដូចគ្នាចំពោះដំណើរការនៃការរីកចម្រើនដ៏ឋិតឋេរមួយ ដែលអាចត្រូវបានគេបណ្តុះឱ្យមានឡើងក្នុងការរៀបចំផ្សេងៗគ្នានោះទេ។ សំណួរជាច្រើនដ៏ស៊ីជម្រៅដែលបានប្រឈមនឹងសហគមន៍ដែលនៅពេលដូចគ្នានោះ វាមិនមានបទពិសោធន៍គ្រប់គ្រាន់ដើម្បីឆ្លើយឱ្យបានពេញលេញនោះឡើយ។ តើភាពខិតខំប្រឹងប្រែងអាចមានគោលបំណងក្នុងការពង្រីករបស់ខ្លួនស្របជាមួយនឹងដំណើរការនៃការពង្រឹងនិងការដោះស្រាយហេតុការណ៍ ដែលបានកើតឡើងជាយូរមកហើយ បញ្ហាប្រឈមហាក់ដូចជាតានតឹងនៃការទ្រទ្រង់ភាពរីកចម្រើនយ៉ាងដូចម្តេច? តើបុគ្គល ស្ថាប័ន និងសហគមន៍ទាំងឡាយត្រូវបានគេលើកឡើងថា នឹងមានសមត្ថភាពនៃការប្រែក្លាយការបង្ហាត់បង្រៀនរបស់ព្រះបាហាអ៊ុលឡាហ៍ទៅក្នុងសកម្មភាពជាក់ស្តែងយ៉ាងដូចម្តេច? ហើយតើអ្នកទាំងនោះដែលត្រូវបានចាប់អារម្មណ៍ចំពោះការបង្ហាត់បង្រៀននានាក្លាយជាតួអង្គឯកទាំងឡាយក្នុងការរួមគ្នាផ្នែកស្មារតីជាសកលមួយរបៀបណា?

៣. នោះគឺដូច្នេះហើយ មួយភាគបួននៃមួយរយឆ្នាំកន្លងមក សហគមន៍បាហៃមួយដែលនៅតែរាប់ព្រះហស្តនៃបុព្វហេតុសាសនារបស់ព្រះបីរូបក្នុងជួរមុខរបស់ខ្លួនដែលបានចាប់ផ្តើមពីគម្រោងផែនការបួនឆ្នាំរបស់ព្រះ បានដឹងយ៉ាងច្បាស់ពីអ្នកទាំងនោះដែលបានមកមុនវា ដោយការផ្តោតអារម្មណ៍យកចិត្តទុកដាក់ពីគោលបំណងតែមួយថា៖ ភាពរីកចម្រើនដ៏សំខាន់មួយក្នុងដំណើរការហូរចូលជាកងៗ។គោលបំណងនេះបានធ្វើឱ្យប្រសើរឡើងនូវស៊េរីនានានៃគម្រោងផែនការរបស់ព្រះដែលបានអនុវត្ត។សហគមន៍បានយល់យ៉ាងច្បាស់ថាដំណើរការនេះ គឺមិនត្រឹមតែបញ្ចូលទៅក្នុងជំនឿសាសនាពីទំហំក្រុមដ៏ច្រើននោះទេ ហើយវានឹងមិនកើតឡើងដោយឯកឯងនោះដែរ វាបញ្ជាក់ពីការពង្រីកនិងពង្រឹងដែលបានបង្កើនល្បឿន ប្រកបដោយប្រព័ន្ធ និងគោលបំណងដ៏ច្បាស់លាស់។ កិច្ចការនេះនឹងតម្រូវការចូលរួមដែលបានជម្រាបជាមុនពីមនុស្សដ៏
អស្ចារ្យជាច្រើនរូប ហើយនៅក្នុងឆ្នាំ១៩៩៦បាហៃពិភពលោកបានត្រូវបានគេកោះហៅដើម្បីទទួលយកបញ្ហាប្រឈមផ្នែកការអប់រំដ៏ធំធេងដែលទាក់ទងទៅនឹងរឿងនេះ។ វាបានត្រូវបានគេអំពាវនាវដើម្បីបង្កើតបណ្តាញមួយនៃវិទ្យាស្ថានហ្វឹកហ្វឺនដែលបានផ្តោតអារម្មណ៍យកចិត្តទុកដាក់ខ្ពស់លើការបង្កើតលំហូរមួយដែលកើនឡើងនៃបុគ្គលទាំងឡាយដែលមានសមត្ថភាពចាំបាច់ជាច្រើននាក់ដើម្បីទ្រទ្រង់ដំណើរការនៃការរីកលូតលាស់។

៤. មិត្តទាំងឡាយរៀបចំកិច្ចការនេះយល់ថា ថ្វីបើមានភាពជោគជ័យទាំងឡាយពីមុនរបស់ពួកគេក្នុងវិស័យនៃការបង្ហាត់បង្រៀនក្តី ពួកគេត្រូវតែរៀនសូត្រឱ្យបានច្បាស់លាស់ច្រើនឡើងៗអំពីសមត្ថភាពទាំងឡាយដែលត្រូវទទួលយកហើយសារសំខាន់បំផុតគឺរបៀបទទួលយកពួកវា។ ក្នុងវិធីជាច្រើន សហគមន៍នឹងរៀនសូត្រដោយការអនុវត្ត ហើយមេរៀនជាច្រើនដែលសហគមន៍បានរៀនសូត្រហើយបន្ទាប់នោះពួកវាត្រូវបានគេបន្សុទ្ធ និងត្រូវបានគេធ្វើឱ្យប្រសើរឡើងដោយការអនុវត្តក្នុងការរៀបចំផ្សេងគ្នាៗអស់រយៈកន្លងមក ទីបំផុតប្រាកដជាត្រូវបានគេបញ្ចូលទៅក្នុងឯកសារនៃការអប់រំ។ វាត្រូវបានគេទទួលស្គាល់ថាសកម្មភាពទាំងឡាយដ៏ច្បាស់លាស់គឺជាការឆ្លើយតបជាធម្មតាមួយ ចំពោះសេចក្តីត្រូវការផ្នែកស្មារតីនៃប្រជាជន។ ការសិក្សាជាក្រុម ថ្នាក់កុមារ ការជួបជុំគ្នាសូត្រធម៌ និង ចុងក្រោយក្រុមយុវវ័យជំទង់ បានលេចធ្លោឡើងក្លាយជាមជ្ឈមណ្ឌលមួយដ៏សំខាន់ទាក់ទងនឹងរឿងនេះ ហើយនៅពេលដែលយើងសហការយ៉ាងស្អិតរមួតជាមួយនឹងសកម្មភាពនានាដែលប្រទាក់ក្រឡាគ្នា ថាមភាពទាំងឡាយដែលបានកើតឡើងអាចបង្កើតនូវបែបផែនដ៏រស់រវើកនៃជីវិតសហគមន៍។ ហើយនៅពេលដែលសមាជិកទាំងឡាយចូលរួមក្នុងសកម្មភាពស្នូលទាំងនេះ វិសាលភាពថ្មីមួយបានត្រូវគេបន្ថែមចំពោះគោលបំណងដើមរបស់ពួកគេ។ ពួកគេបានមកដើម្បីធ្វើជាខ្លោងទ្វារធំៗទាំងឡាយដែលតាមរយៈខ្លោងទ្វារទាំងឡាយនេះយុវជន មនុស្សពេញវ័យ និងគ្រួសារទាំងមូលពីសង្គមទូទៅអាចមកជួបនឹងការបង្ហាត់បង្រៀនរបស់ព្រះបាហាអ៊ុលឡាហ៍។ វាកំពុងតែមានភាពច្បាស់លាស់ នូវសារសំខាន់នៃការពិចារណាពីយុទ្ធសាស្រ្តនានាសម្រាប់កិច្ចការស្ថាបសហគមន៍នៅក្នុងបរិបទនៃ“កម្រង”ដែលតំបន់ភូមិសាស្រ្តមួយនៃទំហំ ដែលអាចចាត់ចែងបានជាមួយនឹងភាពផ្សេងគ្នានៃលក្ខណៈពិសេសផ្នែកសេដ្ខកិច្ចនិងសង្គម។ សមត្ថភាពមួយសម្រាប់ការរៀបចំគម្រោងសមញ្ញទាំងឡាយនៅកម្រិតនៃកម្រងបានចាប់ផ្តើមត្រូវគេបណ្តុះបណ្តាលហើយក្រៅពីគម្រោងទាំងឡាយបែបនេះ កម្មវិធីនានាសម្រាប់ភាពរីកចម្រើននៃជំនឿសាសនាបានកើតឡើង គម្រោងនោះបានរៀបចំទៅជាជុំសកម្មភាពបីខែ។ ចំណុចដ៏សំខាន់មួយនៃភាពច្បាស់លាស់បានលេចចេញមុននូវ៖ ចលនានៃបុគ្គលទាំងឡាយតាមរយៈលំដាប់មួយនៃវគ្គដែលបានផ្តល់នូវសន្ទុះ និងត្រូវបានឋិតនៅជានិច្ចដោយចលនានៃកម្រងនានា តាមការអភិវឌ្ឍន៍ជាប់តៗគ្នាជារដឹក។ ភាពទំនាក់ទំនងគ្នាដែលបន្ថែមនេះបានជួយមិត្តទាំងឡាយគ្រប់ទីកន្លែងដើម្បីប៉ាន់ប្រមាណថាមភាពនៃភាពរីកចម្រើនក្នុងតំបន់ជុំវិញផ្ទាល់ខ្លួនរបស់ពួកគេ ហើយនិងរៀបចំផ្លូវឆ្ពោះទៅរកបង្កើននូវកម្លាំង។ នៅពេលដែលពេលវេលាកន្លងផុតទៅ វាបានបញ្ជាក់យ៉ាងមានផ្លែផ្កាដើម្បីពិចារណាពីអ្វីដែលបានកើតមានឡើងក្នុងកម្រងមួយទាំងនេត្រាទស្សន៍នៃភាពចាំបាច់ផ្នែកការអប់រំបី ដែលមានការបម្រើដល់កុមារ យុវវ័យជំទង់ និង យុវជន ព្រមទាំងមនុស្សពេញវ័យ និងទាំងនេត្រាទស្សន៍នៃជុំទាំងឡាយនៃសកម្មភាពដែលមានសារសំខាន់ទៅនឹងចង្វាក់នៃភាពរីកលូតលាស់។ ផ្នែកមួយដែលឋិតនៅក្នុងភាពខិតខំប្រឹងប្រែងម្លៃប្រាំឆ្នាំ លក្ខណៈពិសេសភាគច្រើនដែលអាចទទួលស្គាល់បានបំផុតនៃដំណើរការរីកចម្រើនពេលដែលយើងឃើញសព្វថ្ងៃនេះកំពុងត្រូវបានគេបង្កើតឡើងល្អប្រសើរ។

៥. នៅពេលភាពខិតខំប្រឹងប្រែងទាំងឡាយរបស់មិត្តជាច្រើនបានធ្វើឱ្យមានប្រពលភាពឡើងគោលការណ៍ទាំងឡាយផ្សេងៗគោលគំនិត ហើយនិងយុទ្ធសាស្ត្រនៃភាពពាក់ព័ន្ធជាសកលចំពោះដំណើរការរីកលូតលាស់បានចាប់ផ្តើមនូវភាពច្បាស់លាស់ទៅក្នុងគម្រោងការមួយសម្រាប់សកម្មភាពដែលអាចវិវឌ្ឍដើម្បីផ្តល់នូវធាតុទាំងឡាយថ្មីៗ។ គម្រោងការនេះបានបង្ហាញនូវគ្រឹះដ៏សំខាន់ចំពោះការបញ្ចេញនូវភាពរឹងមាំដ៏ខ្លាំងក្លា។ តាមបទពិសោធន៍បានបង្ហាញថា វាបានជួយដល់មិត្តទាំងឡាយដើម្បីបង្ហូរកម្លំាងថាមពលនានារបស់ពួកគេដែលល្អសម្រាប់ការលូតលាស់របស់សហគមន៍ទាំងឡាយ ដែលមានសុខុមាលភាព។ ប៉ុន្តែគ្រោងគម្រោងការមួយគឺមិនមែនជារូបមន្តនោះទេ។ ដោយគិតពិចារណាពីធាតុទាំងឡាយផ្សេងៗទៀតនៃគ្រោងគម្រោងការ នៅពេលវាយតម្លៃពីតថភាពនៃកម្រងមួយ តំបន់មួយឬតំបន់ជិតខាងគ្នាធម្មតា បែបផែននៃសកម្មភាពមួយអាចត្រូវបានគេអភិវឌ្ឍ បានទាក់ទាញពីអ្វីដែលបាហៃពិភពលោកផ្សេងទៀតបានកំពុងរៀនសូត្រ នៅខណៈពេលដែលនៅតែមានការឆ្លើយតបទៅនឹងចំណុចពិសេសជាច្រើននៃកន្លែងនោះ។ ការបែងចែករវាងតម្រូវការដ៏តឹងរឹងនានា
ក្នុងផ្នែកមួយនិងចំណង់ចំណូលចិត្តផ្ទាល់ខ្លួន ដែលគ្មានដែនកំណត់នៅក្នុងផ្នែកផ្សេងមួយទៀតបានផ្តល់នូវវិធីចំពោះការយល់ដឹងផ្សេងៗគ្នាមួយនៃភាពផ្សេងគ្នានៃមធ្យោបាយដោយបុគ្គលទាំងឡាយអាចគាំទ្រដំណើរការមួយដែលនៅក្នុងចំណុចកណ្តាលរបស់វាគឺមានភាពជាប់ទាក់ទងគ្នាជារដឹក ហើយត្រូវបានគេធ្វើឱ្យប្រសើរឡើងតទៅទៀតនៅពេលបទពិសោធន៍កើនឡើង។ សូមកុំមានភាពសង្ស័យអំពីភាពរីកចម្រើនដែលបានបង្ហាញដោយការលេចឡើងនៃគ្រោងគម្រោងការនេះ ៖ ភាពជាប់ទាក់ទងជាច្រើនចំពោះភាពស្រុះស្រួលគ្នានិងការរួបរួមគ្នា ភាពខិតខំប្រឹងប្រែងនៃបាហៃពិភពលោកទាំងមូលនិងការជម្រុញឱ្យមានការដង្ហែរក្បួនឆ្ពោះទៅមុខគឺជាលទ្ធផលដ៏អស្ចារ្យ។

៦. នៅពេលគម្រោងផែនការមួយផ្សេងទៀតរបស់ព្រះបានអនុវត្តតាមពីមួយទៅមួយ ហើយការចូលរួមជាមួយកិច្ចការនៃការស្ថាបនាសហគមន៍បានក្លាយជាមូលដ្ឋានកាន់តែទូលំទូលាយ ការឈានទៅមុខនៅកម្រិតវប្បធម៌កាន់តែលេចធ្លោឡើង។ជាឧទាហរណ៍សារសំខាន់នៃការអប់រំក្មេងៗជំនាន់ក្រោយបានក្លាយជាកោតសរសើរកាន់តែខ្លាំងឡើងៗដូចការកោតសសើរដែរទៅនឹងសក្តានុពលដ៏អស្ចារ្យដែលបានបង្ហាញឱ្យឃើញដោយយុវវ័យជំទង់ជាពិសេស។ ការជួយដល់មិត្តទាំងឡាយនិងការអមដំណើរពីម្នាក់ទៅម្នាក់តាមមាគ៌ានៃការចែករំលែកមួយ ការពង្រីករង្វង់នៃការគាំទ្រជានិច្ចបានក្លាយជាលំនាំចំពោះភាពខិតខំប្រឹងប្រែងទាំងអស់ដែលមានគោលបំណង ដើម្បីអភិវឌ្ឍសមត្ថភាពការបម្រើដែលគេប្រាថ្នាចង់បាន។ ទោះបីជាអន្តរកម្មនៃមិត្តទាំងឡាយក្នុងចំណោមពួកគេហើយជាមួយនឹងអ្នកនៅជុំវិញពួកគេ គឺបានឆ្លងកាត់នូវការផ្លាស់ប្តូរ នៅពេលដែលការស្វែងយល់គឺត្រូវបានគេបង្កើននូវអានុភាពនៃការសន្ទនាប្រកបដោយអត្ថន័យខ្លឹមសារ ដើម្បីអុជបំភ្លឺនិងបក់ភាពទន់ខ្សោយផ្នែកស្មារតី។ ហើយសំខាន់ជាងនេះទៅទៀត សហគមន៍បាហៃទាំងឡាយបានប្រើប្រាស់បន្ថែមទៀតនូវការគិតដ៏ទូលំទូលាយ។ មិត្តម្នាក់ដែលឆ្លើយតបចំពោះទស្សនៈនៃជំនឿសាសនាអាចក្លាយជាអ្នកចូលរួមដ៏សកម្ម ក្លាយជាអ្នកគាំទ្រនិងអ្នកសម្របសម្រួលម្នាក់នៃសកម្មភាពទាំងឡាយផ្នែកការអប់រំ ការជួបជុំសម្រាប់ការគោរពបូជានិងធាតុផ្សេងៗទៀតនៃកិច្ចការស្ថាបនាសហគមន៍ ពីក្នុងចំណោមមនុស្សទាំងនោះភាគច្រើននឹងប្រកាសពីជំនឿសាសនារបស់ពួកគេចំពោះព្រះបាហាអ៊ុលឡាហ៍។ ដូច្នេះការចាប់ផ្តើមដំណើរការហូរចូលជាកងៗបានកើតមានឡើងដែលពឹងតិចតួចលើទ្រឹស្តីនិងរូបមន្តទាំងឡាយ ហើយច្រើនទៅលើបទពិសោធន៍ជាក់ស្តែងនៃរបៀបដែលចំនួនដ៏ធំនៃមនុស្សជាច្រើនអាចស្វែងរកជំនឿសាសនារបស់ព្រះនោះ ស្គាល់វាច្បាស់ ចូលរួមក្នុងសកម្មភាពទាំងឡាយនិងការសញ្ជឹងគិតនានារបស់វា ហើយក្នុងករណីជាច្រើនក៏ទទួលយកវា។ ពិតប្រាកដណាស់ ដំណើរការវិទ្យាស្ថានបានត្រូវគេពង្រឹងក្នុងតំបន់មួយទៅតំបន់មួយ ចំនួនបុគ្គលទាំងឡាយដែលចូលរួមចំណែកក្នុងកិច្ចការនៃគម្រោងផែនការរបស់ព្រះ ការពង្រីកទោះបីជាដល់អ្នកទាំងនោះដែលបានដឹងពីជំនឿសាសនាថ្មីៗ បានរីកលូតលាស់ចំនួនធំ។ ប៉ុន្តែនេះមិនបានត្រូវគេជម្រុញដោយការយកចិត្តទុកដាក់ចំពោះចំនួននោះទេ។ ទស្សនៈមួយនៃការផ្លាស់ជាបុគ្គលនិងជារួមដែលកើតមានឡើងក្នុងពេលជាមួយគ្នា បានបង្កើតពីការសិក្សានៃព្រះរាជបន្ទូលរបស់ព្រះ និងការអបអរសាទរពីសមត្ថភាពរបស់បុគ្គលនីមួយៗ ដែលក្លាយជាតួអង្គឯកក្នុងភាពរំភើបរីករាយផ្នែកស្មារតីដ៏ស៊ីជម្រៅមួយ បានផ្តល់នូវការបង្កើននូវការយល់ដឹងមួយនៃភាពខិតខំប្រឹងប្រែងរួមគ្នា។

៧. រូបភាពមួយក្នុងចំណោមរូបភាពទាំងឡាយ ដែលគួរឱ្យលើកទឹកចិត្តនិងគួរឱ្យចាប់អារម្មណ៍បំផុតនៃអំឡុងពេលម្ភៃប្រាំឆ្នាំនេះគឺការបម្រើដែលយុវជនបាហៃបានផ្តល់ឱ្យ ដែលដោយភាពជឿជាក់និងសេចក្តីក្លាហាននោះពួកគេបានទទួលយកកន្លែងដ៏ត្រឹមត្រូវរបស់ពួកគេក្នុងជួរមុខនៃភាពខិតខំប្រឹងប្រែងរបស់សហគមន៍។ក្នុងនាមជាគ្រូនៃបុព្វហេតុសាសនារបស់ព្រះនិងអ្នកអប់រំនានារបស់យុវជន អ្នកសម្របសម្រួលចល័ត និងអ្នកត្រួសត្រាយផ្លូវ ជាអ្នកអ្នសម្របសម្រួលកម្រង និងសមាជិកទាំងឡាយនៃភ្នាក់ងារបាហៃ យុវជនប្រាំទ្វីបបានក្រោកឡើងបម្រើសហគមន៍នានារបស់ពួកគេប្រកបដោយភក្តីភាពនិងការលះបង់ខ្ពស់។ បក្កភាពពួកគេបានបង្ហាញឡើងក្នុងការទទួលខុសត្រូវពីកាតព្វកិច្ចនានាដែលផ្អែកទៅលើភាពរីកចម្រើននៃគម្រោងផែនការរបស់ព្រះ គឺបង្ហាញនូវភាពរឹងមាំផ្នែកស្មារតីរបស់ពួកគេ ហើយការប្តេជ្ញាចិត្តរបស់ពួកគេចំពោះការការការពារអនាគតរបស់មនុស្សជាតិ។ ក្នុងការទទួលស្គាល់ភស្តុតាងនៃបក្កភាពដែលកើនឡើងនេះ យើងបានសម្រេចចិត្តអនុវត្តតាមសាររីដវ៉ាន់នេះភ្លាមៗ រីឯអាយុអ្នកជំនឿដែលមានសិទ្ធិដើម្បីបម្រើដល់ធម្មសភាចិត្តកនោះទាល់តែមានអាយុម្ភៃមួយឆ្នាំ អាយុដែលអ្នកជំនឿម្នាក់អាចបោះឆ្នោតបាហៃគឺថយមកត្រឹមអាយុដប់ប្រាំបីឆ្នាំ។ យើងមិនមានការសង្ស័យទេថា យុវជនបាហៃគ្រប់ទីកន្លែងដែលមានអាយុនេះ នឹងបង្ហាញភស្តុតាងនូវភាពទុកចិត្តរបស់យើងទៅក្នុងសមត្ថភាពរបស់ពួកគេដើម្បីបំពេញ “កាតព្វកិច្ចដ៏ពិសិដ្ឋឧត្តុង្គឧត្តម និងយ៉ាងយកចិត្តទុកដាក់” ចំពោះគ្រប់ការអ្នកបោះឆ្នោតបាហៃដែលត្រូវបានគេអំពាវនាវនោះ។

៨. ជាធម្មតាយើងដឹងថា ភាពពិតនៃសហគមន៍ទាំងឡាយខុសគ្នាយ៉ាងច្រើនពីមួយទៅមួយ។ សហគមន៍ប្រចាំប្រទេសផ្សេងគ្នានិងទីកន្លែងខុសគ្នានៅក្នុងសហគមន៍ទាំងនោះ បានចាប់ផ្តើមនូវស៊េរីនៃគម្រោងផែនការរបស់ព្រះនេះនៅចំណុចទាំងឡាយនៃការអភិវឌ្ឍខុសគ្នា អ៊ីចឹងហើយតាំងពីពេលនោះមកពួកវាបានអភិវឌ្ឍនៅល្បឿនខុសគ្នាផងដែរ ហើយបានសម្រេចកម្រិតនៃភាពរីកចម្រើនខុសគ្នា។ភាពខុសៗគ្នានៃរឿងនេះមិនមែនជារឿងថ្មីនោះទេ។ វាគឺជាករណីតាំងពីដើមជារឿយៗថាស្ថានភាពទាំងឡាយនៅក្នុងកន្លែងជាច្រើនផ្សេងៗគ្នាគឺមានភាពខុសគ្នាច្រើន ដូចកម្រិតនៃការទទួលយកបានរកឃើញនៅទីនោះ។ប៉ុន្តែយើងយល់ឃើញផងដែរថាភាពឡើងចុះគឺរីកធំទៅៗដែលនៅទីនោះ សមត្ថភាព ភាពទុកចិត្តនិងបទពិសោធន៍ដែលកើនឡើងនៃសហគមន៍ភាគច្រើនបំផុតគឺកំពុងតែឡើងខ្ពស់ដោយសារភាពជោគជ័យនៃសហគមន៍ ដែលមានទំនងគ្នាជាធ្លុងមួយរបស់ពួកគេទាំងនៅជិតនិងនៅឆ្ងាយ។ ជាឧទាហរណ៍ នៅពេលដែលមនុស្សទាំងឡាយដែលបានក្រោកឡើងដើម្បីបើកតំបន់ថ្មីមួយក្នុងឆ្នាំ១៩៩៦ ពួកគេមិនខ្វះនូវសេចក្តីក្លាហាន ភាពជឿជាក់ និង ភាពស្មោះត្រង់នោះទេ សព្វថ្ងៃភាពស្មើគ្នារបស់ពួកគេគ្រប់ទីកន្លែង រួមបញ្ចូលទាំងអ្នកទាំងនោះដែលមានលក្ខណៈសម្បត្តិដូចគ្នាជាមួយនឹងចំណេះដឹង ការឈ្វែងយល់ដ៏ជ្រាលជ្រៅនិងជំនាញទាំងឡាយ ដែលគឺជាការប្រមូលផ្តុំនៃភាពខិតខំប្រឹងប្រែងអស់រយៈពេលម្ភៃប្រាំឆ្នាំ ដោយបាហៃពិភពលោកទាំងមូល ដើម្បីរៀបចំជាប្រព័ន្ធនិងការធ្វើឱ្យប្រសើរឡើងដល់កិច្ចការនៃការពង្រីកនិងពង្រឹង។

៩. ដោយមិនគិតពីចំណុចចាប់ផ្តើមរបស់សហគមន៍ វាបានធ្វើឱ្យរីកចម្រើនដល់ដំណើរការនៃភាពលូតលាស់ នៅពេលដែលវាបានរួមបញ្ចូលលក្ខណៈសម្បត្តិនៃជំនឿសាសនា ភាពខិតខំព្យាយាមនិងការប្តេជ្ញាចិត្តជាមួយនឹងការត្រៀមខ្លួនរួចជាស្រេចដើម្បីរៀនសូត្រ។ ជាការពិតកេរ្តិ៍ដំណែលជាទីស្រឡាញ់នៃស៊េរីនៃគម្រោងផែនការទាំងឡាយរបស់ព្រះនេះគឺជាការទទួលស្គាល់យ៉ាងទូលំទូលាយថា ភាពខិតខំប្រឹងប្រែងមួយចំនួនចំពោះភាពរីកចម្រើនដែលចាប់ផ្តើមជាមួយនឹងការឆ្ពោះទៅរកការរៀនសូត្រ។ ភាពសាមញ្ញនៃសិក្ខាបទនេះ មានសភាពផ្ទុយទៅនឹងសារសំខាន់នៃអត្ថន័យដែលធ្វើតាមវា។យើងគ្មានការសង្ស័យទេថា នៅពេលណាមួយគ្រប់កម្រងនឹងរីកចម្រើនជាមួយនឹងការអភិវឌ្ឍជារដឹក សហគមន៍ទាំងឡាយដែលបានរីកចម្រើនយ៉ាងលឿនបំផុតស្រដៀងទៅនឹងសហគមន៍ដែលមានស្ថានភាពនិងលទ្ធភាពរបស់ពួកគេ គឺមានលក្ខណៈស្រដៀងគ្នា មានសមត្ថភាពជួយជម្រុញឱ្យមានសាមគ្គីភាពផ្នែកទស្សនៈ និងដើម្បីរៀនសូត្រអំពីសកម្មភាពប្រកបដោយប្រសិទ្ធភាព។ ហើយពួកគេបានធ្វើសកម្មភាពដោយគ្មានការស្ទាក់ស្ទើរនោះឡើយ។

១០. តាមពិត ការប្តេជ្ញាចិត្តមួយចំពោះការរៀនសូត្រមានន័យថា រៀបចំខ្លួនដើម្បីប្រព្រឹត្តខុសហើយជួនកាលកំហុសទាំងឡាយបាននាំមកនូវភាពមិនស្រួលនោះឡើយ។ ដោយគ្មានការភ្ញាក់ផ្អើល វិធីសាស្រ្តនិងដំណោះស្រាយថ្មីទាំងឡាយបានប្រព្រឹត្តទៅមិនសូវមានភាពប៉ិនប្រសប់នៅពេលដំបូងពីព្រោះតែខ្វះនូវបទពិសោធន៍ ក្នុងឱកាសនោះប្រភេទនៃសមត្ថភាពដែលត្រូវបានគេទទួលយកថ្មីៗត្រូវបានបាត់បង់ នៅពេលសហគមន៍មមាញឹកក្នុងការអភិវឌ្ឍសមត្ថភាពផ្សេងទៀត។ មានគោលបំណងល្អៗបំផុតគឺមិនធានាថានឹងមិនអាចមានកំហុសនោះទេ ហើយឆ្លងកាត់ពួកវាតម្រូវឱ្យមានទាំងការបន្ទាបខ្លួននិងការកាត់ផ្តាច់។ នៅពេលសហគមន៍មួយនៅតែប្តេជ្ញាដើម្បីបង្ហាញនូវភាពអត់ធ្មត់និងរៀនពីកំហុសដែលកើតឡើងជាធម្មតា វឌ្ឍនភាពគឹមិនអាចជៀសផុតបានទេ។

១១. ពាក់កណ្តាលស៊េរីនៃគម្រោងផែនការរបស់ព្រះទាំងឡាយ ការចូលរួមរបស់សហគមន៍ក្នុងជីវិតសង្គមបានចាប់ផ្តើមក្លាយជាការផ្តោតអារម្មណ៍ដ៏ខ្ពង់ខ្ពស់នៃការយកចិត្តទុកដាក់ដោយផ្ទាល់យ៉ាងខ្លាំង។ អ្នកជំនឿនានាគឺត្រូវបានគេជម្រុញលើកទឹកចិត្តដើម្បីគិតពីរឿងនេះក្នុងលក្ខខណ្ឌនៃវិស័យនៃភាពខិតខំប្រឹងប្រែងពីរ ដែលមានការទាក់ទងគ្នាទៅវិញទៅមកគឺសកម្មភាពសង្គមនិងការចូលរួមក្នុងការបញ្ចេញមតិទូទៅនៃសង្គម។ តាមពិតទាំងនេះ គឺមិនអាចជំនួសទៅនឹងសកម្មភាពពង្រីកនិងពង្រឹងនោះទេ ពោលគឺមិនមានការរំខានច្រើនពីវានោះឡើយៈ ពួកវាគឺជាប់ទាក់ទងនៅក្នុងខ្លួនវា។ ធនធានមនុស្សកាន់តែច្រើនដែលសហគមន៍មួយអាចត្រូវការ សមត្ថភាពជាច្រើនរបស់វានាំមកនូវគតិបណ្ឌិតដែលមាននៅក្នុងការត្រាស់ដឹងរបស់ព្រះបាហាអ៊ុលឡាហ៍ដើម្បីស៊ូទ្រាំនឹងបញ្ហាប្រឈមទាំងឡាយប្រចាំថ្ងៃ ដែលបម្លែងការបង្ហាត់បង្រៀនរបស់ទ្រង់ទៅក្នុងសកម្មភាពជាក់ស្តែង។ ហើយកិច្ចការទាំងឡាយដែលជាកង្វល់របស់មនុស្សជាតិក្នុងរយៈពេលនេះទំនងជាគូសបញ្ជាក់ពីរបៀបដ៏ធ្ងន់ធ្ងរដើម្បីព្យាបាល ដែលបានចេញបញ្ញត្តិដោយព្រះដែលជាវេជ្ជបណ្ឌិតដ៏ឆ្នើមពីឋានសួគ៌។ ការបញ្ជាក់នៅក្នុងរឿងនេះគឺជាការចាប់បដិសន្ធិនៃសាសនាដែលមានការខុសប្លែកគ្នាឆ្ងាយពីអ្នកទាំងនោះ ដែលប្រកាន់ខ្ជាប់ទៅនឹងភាពយោលយោករបស់ពិភពលោកទាំងមូលៈ ការគិតមួយយដែលបានទទួលស្គាល់សាសនាថាជាកម្លាំងដ៏មានសក្តានុពលដែលជម្រុញអរិយធម៌ឱ្យជឿនលឿនទៅមុខជានិរន្ត។ វាត្រូវបានគេយល់ថា អរិយធម៌មួយបែបនេះនឹងមិនលេចឡើងដោយឯកឯងនោះឡើយ វាគឺជាបេសកកម្មនៃសាវកទាំងឡាយរបស់ព្រះបាហាអ៊ុឡាហ៍ ដើម្បីខិតខំប្រឹងប្រែងចំពោះការផុសឡើងរបស់វា។បេសកកម្មបែបនេះ បានតម្រូវឱ្យអនុវត្តដំណើរការដូចគ្នានៃការរៀនសូត្រជាប្រព័ន្ធចំពោះកិច្ចការនៃសកម្មភាពសង្គមនិងការចូលរួមក្នុងការបញ្ចេញមតិយោបល់ជាសាធារណៈ។

១២. ដូចបានសម្លឹងពីនេត្រាទស្សន៍អស់រយៈពេលពីរទសវត្សកន្លះមកហើយ សមត្ថភាពចំពោះការអនុវត្តសកម្មភាពសង្គមបានកើនឡើងគួរឱ្យកត់សម្គាល់ ដែលបាននាំមកនូវការកើនជាលំដាប់នៃសកម្មភាពដ៏វិសេសមួយ។ បើប្រៀបធៀបទៅនឹងឆ្នាំ១៩៩៦ នៅពេលដែលមាន២៥០កម្មវិធីអភិវឌ្ឍផ្នែកសេដ្ឋកិច្ចនិងសង្គម គឺត្រូវបានទ្រង់ទ្រង់ពីមួយឆ្នាំទៅមួយឆ្នាំ ដែលឥលូវមាន១៥០០ ហើយចំនួននៃអង្គការក្រោមបង្គាប់បាហៃបានឡើងគុណនឹងបួនឯណោះដែលឡើងហួសដល់ទៅ១៦០ដង។ មានការបណ្តើមឡើងសកម្មភាពសង្គមនៅមូលដ្ឋានរយៈពេលខ្លីច្រើនជាង៧០,០០០សកម្មភាព គឺកំពុងអនុវត្តក្នុងឆ្នាំនីមួយៗ ពោលគឺកើនឡើងចំនួន ហាសិបដង។ យើងទន្ទឹងរង់ចាំចំពោះការកើនឡើងបន្តទៅទៀតក្នុងភាពខិតខំប្រឹងប្រែងទាំងអស់នេះដែលជាលទ្ធផលចេញមកពីការគាំទ្រប្រកបដោយការឧទ្ទិសនិងការជម្រុញលើកទឹកចិត្ត ឥលូវបានផ្តល់ដោយអង្គការអភិវឌ្ឍន៍អន្តរជាតិបាហៃ។នៅគ្រានោះការចូលរួមរបស់បាហៃក្នុងការបញ្ចេញមតិទូទៅនៃសង្គមបានរីកចម្រើនប្រកបដោយប្រពលភាព។ក្រៅពីឱកាសជាច្រើន នៅពេលមិត្តទាំងឡាយយល់ថាពួកគេអាចផ្តល់នូវទស្សនវិស័យបាហៃក្នុងការសន្ទនាទាំងឡាយដែលកើតឡើងក្នុងកិច្ចការមួយឬបរិបទផ្ទាល់ខ្លួននោះ ការចូលរួមជាផ្លូវការជាច្រើនក្នុងការបញ្ចេញមតិយោបល់បានរីកចម្រើនយ៉ាងខ្លាំងក្លា។ យើងមានគំនិត មិនគ្រាន់តែមានកិច្ចខិតខំប្រឹងប្រែងពង្រីកសកម្មភាពប៉ុណ្ណោះទេ ហើយការចូលរួមចំណែកប្រកបដោយសុជីវធម៌ច្រើនឡើងៗនៃសហគមន៍បាហៃអន្តរជាតិដែលនៅក្នុងរយៈពេលនេះ បានបន្ថែមការិយាល័យជាច្រើននៅអាហ្វ្រិច អាស៊ីនិង អឺរ៉ុប ប៉ុន្តែកិច្ចការនៃការបង្កើនយ៉ាងទូលំទូលាយ ហើយបណ្តាញយ៉ាងរឹងមាំអស្ចារ្យនៃការិយាល័យអន្តរជាតិនៃកិច្ចការទំនាក់ទំនងកិច្ចការខាងក្រៅ ដែលការិយាល័យអន្តរជាតិនៃកិច្ចការទំនាក់ទំនងនេះក្លាយជាកន្លែងដែលផ្តោតអារម្មណ៍ដ៏សំខាន់បំផុត។ លើសពីនេះទៅទៀត មានការចូលរួមគួរឱ្យកត់សម្គាល់និងពោរពេញទៅដោយការឈ្វេងយល់ដ៏ជ្រាលជ្រៅ ដែលបានបង្កើតឡើងដោយបុគ្គលអ្នកជំនឿទាំងឡាយចំពោះវិស័យទាំងពួងដ៏ជាក់លាក់។ ទាំងអស់នេះបានបន្តឆ្ពោះទៅមុខ ដែលពន្យល់យ៉ាងជ្រាលជ្រៅ ការកោតសរសើរនិងការគួរឱ្យស្ញប់ស្ញែង ដែលអ្នកដឹកនាំនៃគំនិតហើយនិងក្រុមនុស្សដ៏ខ្ពង់ខ្ពស់ផ្សេងទៀតនៅគ្រប់កម្រិតទាំងអស់នៃសង្គមបានកើនឡើងហើយកើនឡើងទៀតគឺបានបញ្ជាក់ហើយៗហើយបញ្ជាក់ទៀតនៃការសសើររបស់គេចំពោះជំនឿសាសនា ចំពោះអ្នកជំនឿរបស់វានិងសកម្ម
ភាពទាំងឡាយរបស់ពួកគេ។

១៣. ក្នុងការគិតឡើងវិញ នូវអំឡុងពេលម្ភៃប្រាំឆ្នាំទាំងមូល យើងត្រូវបានគេធ្វើឱ្យស្ងើចដោយប្រភេទជាច្រើននៃភាពរីកចម្រើនបាហៃពិភពលោកដែលកើតមានឡើងដំណាលគ្នា។ ជីវិតប្រកបដោយបញ្ញាដ៏ជ្រាលជ្រៅរបស់វាបានរីកចម្រើនជឿនលឿនដូចដែលបានបង្ហាញ មិនត្រឹមតែដោយភាពរីកចម្រើនរបស់វាក្នុងគ្រប់វិស័យទាំងអស់នៃភាពប្រឹងប្រែងដែលបានពិភាក្សារួចជាស្រេចនោះទេ ប៉ុន្តែដោយទំហំនៃអក្សរសាស្រ្តដែលមានគុណភាពខ្ពស់ដែលបានបោះពុម្ពឡើងដោយអ្នកនិពន្ធបាហៃទាំងឡាយ ដោយការអភិវឌ្ឍនៃលំហទាំងឡាយសម្រាប់ការស្រាវជ្រាវរុករកនៃវិន័យទាំងឡាយដ៏ជាក់លាក់ក្នុងការយល់ដឹងពីការបង្ហាត់បង្រៀននានា ហើយដោយឥទ្ធិពលនៃសិក្ខាសាលាសម្រាប់និស្សិតមិនទាន់បញ្ចប់ការសិក្សានិង បញ្ចប់ការសិក្សា ដែលបានផ្តល់ឱ្យប្រកបដោយប្រព័ន្ធច្បាស់លាស់ដោយវិទ្យាស្ថានសម្រាប់ការសិក្សាស្រាវជ្រាវក្នុងវិបុលភាពសកលដែលមានការសហកាជាមួយនឹងស្ថាប័នទាំងឡាយនៃបុព្វហេតុសាសនារបស់ព្រះ ដែលឥលូវបម្រើដល់យុវជនបាហៃច្រើនជាង១០០ប្រទេស។ ភាពប្រឹងប្រែងទាំងឡាយដើម្បីសាងសង់ទីសក្ការបូជានានាដែលបានប្រារព្ធឡើងជាក់ស្តែង។ប្រាសាទមេចុងក្រោយត្រូវបានគេសាងសង់ឡើងក្នុងសាន់ទីយ៉ាហ្គោ ប្រទេសឈីលី ហើយគម្រោងការទាំងឡាយដើម្បីសាងសង់ម៉ាស្រ្ហីគុលអាស្កាប្រចាំតំបន់ចំនួនប្រាំនិងប្រចាំប្រទេសចំនួនពីរបានចាប់ផ្តើម ទីសក្ការបូជាក្នុងបាត់ដំបង ប្រទេសកម្ពុជា និង ណរតេ ដែលកោកា បានបើកដំណើរការហើយ។ ទីសក្ការបូជាបាហៃ មិនថាទើបតែបានសម្ពោធឬបានសាងសង់យូរមកហើយនោះទេ គឺកំពុងតែបំពេញមុខងារយ៉ាងខ្លាំងនៅចំណុចកណ្តាលនៃជីវិតសហគមន៍។ ការគាំទ្រផ្នែកសម្ភារបានផ្តល់ដោយជួរនិងក្រុមនៃអ្នកជំនឿទាំងឡាយចំពោះភាពប្រឹងប្រែងដ៏ខ្លាំងក្លា ដែលបានអនុវត្តដោយមិត្តទាំងពួងរបស់ព្រះដែលគឺមិនមានកំណត់នោះទេ។ គ្រាន់តែត្រូវបានគេគិតថាជាការវាស់ស្ទង់នៃភាពក្លៀវក្លាផ្នែកស្មារតីរួមគ្នា ភាពសប្បុរសធម៌ និងការលះបង់ ដែលនៅក្នុងពេលវេលានៃវិបត្តិសេដ្ឋកិច្ច ការលំហូរនៃមូលនិធិដ៏សំខាន់ដែលបានត្រូវគេថែរក្សា ហើយរឹងមាំគួរឱ្យសសើរ។ នៅក្នុងវិស័យនៃរដ្ឋបាលបាហៃ សមត្ថភាពរបស់ធម្មសភាជាតិដើម្បីគ្រប់គ្រងកិច្ចការងារនានាដែលមានភាពស្មុគស្មាញកើនឡើង។ពួកគេបានទទួលអត្ថប្រយោជន៍ជាពិសេស ពីការកើនឡើងថ្មីៗនេះនៃកិច្ចសហការជាមួយនឹងអ្នកផ្តល់ឱវាទប្រចាំទ្វីប ដែលជាឧបករណ៍ក្នុងការប្រមូលយកនៃការឈ្វេងយល់ទាំងឡាយមានលក្ខណៈជាប្រព័ន្ធពីប្រជាជនប្រចាំតំបន់ទូទាំងពិភពលោក ហើយដែលធានាថាការឈ្វេងយល់ដ៏ជ្រាលជ្រៅទាំងនេះ ត្រូវបានចែកចាយយ៉ាងទូលំទូលាយ។ នេះជាពេលវេលាផងដែរដែលក្នុងនោះក្រុមប្រឹក្សាបាហៃភូមិភាគបានលេចឡើងក្លាយជាស្ថាប័នដ៏ពេញបក្កភាពនៃបុព្វហេតុសាសនារបស់ព្រះហើយឥលូវមានដល់ទៅ២៣០តំបន់ ក្រុមប្រឹក្សាភូមិភាគ និងវគ្គវិទ្យាស្ថានទាំងឡាយ ដែលពួកគេមើលការខុសត្រូវគឺពួកគេបានបញ្ជាក់ផ្ទាល់ខ្លួនពួកគេថា ពួកគេមិនអាចជៀសបានចំពោះការជម្រុញដំណើរការនៃភាពលូតលាស់បានឡើយ។ ដើម្បីពង្រីកទៅអនាគតនៃតួនាទីនៃអ្នកជាទីទុកចិត្តនៃហ៊ូហ្គុហ្គុឡាហ៍ ព្រះហស្តរបស់ព្រះ គឺលោកអាលី ម៉ូហាម៉ាដ វ៉ាខា ក្រុមប្រឹក្សាអន្តរជាតិនៃអ្នកជាទីទុកចិត្តនៃហ៊ូហ្គុហ្គុឡាហ៍ បានត្រូវបានបង្កើតឡើងក្នុងឆ្នាំ២០០៥ដែលសព្វថ្ងៃនេះសម្របសម្រួលកិច្ចខិតខំប្រឹងប្រែងមិនតិចជាង៣៣ ក្រុមប្រឹក្សានៃអ្នកជាទីទុកចិត្តនៃហ៊ូហ្គុហ្គុឡាហ៍ប្រចាំប្រទេសនិងភូមិភាគ ហើយក្រុមប្រឹក្សានៃអ្នកជាទីទុកចិត្តប្រចាំតំបន់ដែលឥលូវមានជុំវិញពិភពលោកដែលការណែនាំកិច្ចការរបស់អ្នកតំណាងហ៊ូហ្គុហ្គុឡាហ៍ច្រើនជាង ១០០០នាក់។ ការអភិវឌ្ឍន៍ទាំងឡាយដែលកើតឡើងនៅឯមជ្ឈមណ្ឌលបាហៃពិភពលោក ក្នុងអំឡុងពេលនេះដែរគឺមានច្រើនៈ បានឃើញនូវការបញ្ចប់ការសាងសង់នៃសួនតាមជម្រាលភ្នំនៃចេតិយរបស់ព្រះបប និងអគារពីរឋិតនៅអង្កត់ភ្នំ ព្រមទាំងការចាប់ផ្តើមនៃការសាងសង់នៃព្រះចេតិយរបស់អង្គពិសិដ្ឋអាប់
ឌុលបាហា ជាបន្ថែមទៅនឹងគម្រោងជាច្រើនដើម្បីពង្រឹងនិងថែរក្សាកន្លែងដ៏ពិសិដ្ឋនៃជំនឿសាសនា។ ព្រះចេតិយរបស់ព្រះបាហាអ៊ុលឡាហ៍និងព្រះបបត្រូវបានគេទទួលស្គាល់ថា ជាតំបន់បិតិកភ័ណ្ឌពិភពលោកដែលជាកន្លែងដ៏មានសារសំខាន់មិនអាចគណនាសម្រាប់មនុស្សជាតិ។ សាធារណជនបានជួបជុំផ្តុំគ្នាទៅនឹងទីកន្លែងដ៏ពិសិដ្ឋទាំងនេះ នៅក្នុងចំណោមមនុស្សរាប់រយពាន់នាក់ ដែលឈានដល់មូយលានកន្លះនៅក្នុងឆ្នាំខ្លះ ហើយមជ្ឈមណ្ឌលពិភពលោកស្វាគមន៍អ្នកធម្មយាត្រារាប់រយនាក់ជាប្រចាំនាពេលម្តងៗ ជួនកាលច្រើន៥,០០០ពាន់ក្នុងមួយឆ្នាំ ជាមួយនឹងចំនួនស្រដៀងគ្នានេះគឺភ្ញៀវបាហៃ យើងមានបិតិសោមនស្សយ៉ាងក្រៃលែងដោយសារចំនួនដែលកើនឡើងនៃជនជាតិនិងប្រទេសផ្សេងៗគ្នាដែលជាតំណាងនៃអ្នកទាំងឡាយដែលបានចូលរួមទៅនឹងសព្ទសារធុការពរនៃការធ្វើធម្មយាត្រា។ ការបកប្រែ ការបោះពុម្ពនិងការចែកចាយនៃអត្តបទដ៏ពិសិដ្ឋទាំងឡាយត្រូវបានគេពន្លឿនយ៉ាងសម្បើម ជាមួយនឹងការអភិវឌ្ឍបណ្ណាល័យឯកសារបាហៃ មួយនៅក្នុងចំណោមសមាជិកដែលគួរឱ្យកត់សម្គាល់នៃក្រុមគេហទំព័រកំពុងតែកើនឡើង ដែលបានទាក់ទងជាមួយនឹង Bahai.org ដែលឥលូវនេះមាននៅក្នុងដប់ភាសា។ ការិយាល័យនិងភ្នាក់ងារច្រើនប្រភេទគឺត្រូវបានគេសាងសង់នៅក្នុងបរិវេណមជ្ឈមណ្ឌលបាហៃពិភពលោកហើយនៅកន្លែងផ្សេងទៀត ដែលមានតួនាទីដើម្បីគាំទ្រដំណើរការរៀនសូត្រ ដែលកំពុងកើតឡើងទូទាំងវិស័យនៃភាពខិតខំប្រឹងប្រែងជាច្រើនទូទាំងបាហៃពិភពលោក ទាំងអស់នេះជាបងប្អូនប្រុសស្រីរបស់យើងនៅក្នុងជំនឿសាសនាគឺគ្រាន់តែជាផ្នែកនៃការនិទានដែលយើងអាចនឹកឃើញឡើងវិញ នូវអ្វីដែលការឧទ្ទិសរបស់អ្នកចំពោះទ្រង់ដែលត្រូវបានគេចាត់ទុកថាជាអ្នកខុសនៅក្នុងពិភពលោកដែលបាននាំមកនោះ។ យើងគ្រាន់តែជារ៉ាយរ៉ាប់ឡើងវិញនូវពាក្យសម្តីក្តុកក្តួលអួលណែន ដែលនៅគ្រាមួយអង្គពិសិដ្ឋអាប់ឌុលបាហាជាទីស្រឡាញ់បានមានបន្ទូលឡើង នៅពេលដែលទ្រង់មានអារម្មណ៍សប្បាយព្រះទ័យយ៉ាងខ្លាំងនោះ ទ្រង់បានឧទានខ្លាំងៗថា៖ “ ឱព្រះបាហាអ៊ុលឡាហ៍អើយ ! តើទ្រង់បានធ្វើអ្វីខ្លះ?

១៤. ចេញពីទិដ្ឋភាពនៃរយៈពេលមួយភាគបួនសតវត្សរ៍ដ៏សំខាន់ ពេលនេះយើងផ្តោតការយកចិត្តទុកដាក់មកលើគម្រោង៥ឆ្នាំថ្មីកន្លងផុតទៅនេះ ជាគម្រោងខុសប្លែកពីគម្រោងនានាបានកន្លងទៅតាមរបៀបច្រើនយ៉ាង។ ក្នុងគម្រោងនេះយើងទទូចឲ្យបាហៃទូទាំងពិភពលោកទាញយកនូវគ្រប់នូវអ្វីៗដែលពួកគេ បានរៀនសូត្រក្នុងអំឡុងពេលម្ភៃឆ្នាំមុនហើយដាក់ប្រើវាឲ្យមានប្រសិទ្ធភាពពេញលេញ។ យើងមានក្តីរីករាយណាស់ដែលសេចក្តីសង្ឃឹមរបស់យើងក្នុងកិច្ចការនេះបានសម្រេចលើសពីអ្វីដែលរំពឹងទុក តែទន្ទឹមនេះយើងក៏ចង់មើលឃើញនូវរឿងរ៉ាវល្អៗពីអ្នកជំនឿរបស់ព្រះបាហាអ៊ុលឡាហ៍ដែលជាសោភ័ណភាពប្រកបដោយសព្វសារធុការពរ ចរិតលក្ខណៈនៃអ្វីៗដែលសម្រេចបានតាមរយៈការខិតខំដ៏ខ្លាំងក្លាគឺពិតជាធំទូលាយ។ វាគឺជាថ្មកែវចំពោះសមិទ្ធិផលមួយ សាងឡើងប្រើរយៈពេល២៥ឆ្នាំ។

១៥. គម្រោងនេះគឺត្រូវបានចងចាំជាពិសេសដែលបានចែកចេញជាបីភាគតាមរយៈខួបពីររយឆ្នាំដ៏ពិសិដ្ឋ ចំនួន២ ដែលខួបនីមួយៗបានធ្វើឲ្យសកម្មនូវសហគមន៍មូលដ្ឋានទូទាំងពិភពលោក។ ក្រុមអ្នកជំនឿបានបង្ហាញនូវសមត្ថភាពក្នុងការផ្សាភ្ជាប់មនុស្សម្នាពីគ្រប់ផ្នែកសង្គមក្នុងការផ្តល់ជាកិត្តិយសចំពោះ ឆាកជីវិតនៃព្រះសាស្តាមួយអង្គរបស់ព្រះជាម្ចាស់ ក្នុងកម្រិតមួយមិនដែលមានពីមុនមកហើយដោយភាពងាយស្រួល។ វាគឺជាសូចនាករមួយឆ្លុះបញ្ចាំងអ្វីមួយដ៏ធំធេង៖ សមត្ថភាពបង្ហូរនាំនូវការបញ្ចេញថាមពល ចិត្តវិញ្ញាណសម្រាប់ការឈានទៅមុខនៃបុព្វហេតុ។ ការឆ្លើយតបគឺធំជាអនេកគឺនៅទីកន្លែងជាច្រើនជំនឿ សាសនាត្រូវបានរុញច្រានចេញពីភាពស្រពេចស្រពិលក្នុងកម្រិតថ្នាក់ជាតិ។ ទីកន្លែងដែលវាត្រូវបានមើល រំលង មិនបានសង្ឃឹមទុក បានបង្ហាញសញ្ញានៃការទទួលយកជំនឿយ៉ាងច្បាស់លាស់។ មនុស្សច្រើនរយពាន់ត្រូវបាននាំយកតាមរយៈការជួបជុំរបស់ពួកគេជាមួយនឹងស្មារតីនៃការបួងសួង ដែលបច្ចុប្បន្ននេះជា ចរិកលក្ខណៈនៃសហគមន៍បាហៃនៅគ្រប់ទីកន្លែង។ ទស្សនវិស័យពីអ្វីដែលបង្កើតបានមកពីការប្រតិបត្តិបុណ្យពិសិដ្ឋបាហៃ គឺត្រូវបានរីកដុះដាលមិនអាចប៉ាន់ស្មានបាន។

១៦. សមិទ្ធិផលនៃគម្រោងដែលជាធម្មតាត្រូវបានរៀបរាប់ជាតួលេខ បានយកឈ្នះលើគម្រោងទាំងឡាយពីមុនៗរាប់តាំងពីឆ្នាំ១៩៩៦។ នាពេលចាប់ផ្តើមគម្រោងនេះ សមត្ថភាពដែលមានសម្រាប់រៀបចំត្រឹមតែមួយសែនសកម្មភាពស្នូល សមត្ថភាពមួយជាផ្លែផ្កានៃរយៈពេល២០ឆ្នាំនៃការប្រឹងប្រែងជាទូទៅ។ ពេលនេះសកម្មភាពស្នូលចំនួនបីសែនត្រូវបានធានាក្នុងពេលតែមួយ។ការចូលរួមក្នុងសកម្មភាពទាំងនោះបានកើនដល់ជាងពីរលានដែលជិតបីដងច្រើនជាងមុន។ មានវិទ្យាស្ថានកម្រិតភូមិភាគនិងកម្រិតជាតិចំនួន៣២៩កំពុងដំណើរការ ហើយសមត្ថភាពរបស់ពួកគេត្រូវបានបញ្ជាក់ដោយតួលេខពិតនោះគឺមនុស្សប្រាំពីរសែនប្រាំម៉ឺននាក់អាចបញ្ចប់សៀវភៅមួយយ៉ាងតិចក្នុងចំណោមសៀវភៅជារួមចំនួនវគ្គ សិក្សាបញ្ចប់ដោយបុគ្គលពេលនេះគឺចំនួនពីរលានផងដែរ ពោលគឺមានកំណើនជាងមួយភាគបីក្នុងរយៈ ពេលប្រាំឆ្នាំ។

១៧. កំណើនប្រពលភាពនៃកម្មវិធីលូតលាស់នៅជុំវិញពិភពលោកដែលកំពុងប្រឹងធ្វើគឺប្រាប់នូវសាច់រឿងជាទីចាប់អារម្មណ៍របស់វា។ កំឡុងពេលប្រាំឆ្នាំនេះ យើងបានអំពាវនាវឲ្យការលូតលាស់មានសម្ទុះឡើងក្នុងគ្រប់កម្រងនីមួយៗក្នុងចំណោមកម្រងទាំង៥០០០ដែលបានចាប់ផ្តើម។ ការដាក់បង្គាប់នេះបាន ក្លាយជាកម្លាំងចលករឲ្យមានការប្រឹងប្រែងយ៉ាងស្វិតស្វាញពេញពិភពលោក។ ជាលទ្ធផល ចំនួនកម្មវិធីលូតលាល់ល្អិតល្អន់កើនឡើងជាងពីរដងហើយឥឡូវនេះស្ថិតនៅតួលេខ៤០០០។ ការលំបាករួមមានការបើកភូមិនិងទីជិតខាងថ្មីឲ្យបានទទួលនូវជំនឿស្ថិតក្នុងស្ថានភាពវិបត្តិសុខភាពជាសាកល ឬជាការពង្រីកសកម្មភាពនាពេលដែលជម្ងឺរាតត្បាតកំពុងចាប់ផ្តើម ទាំងនេះបានរារាំងមិនបានសម្រេចតួលេខសរុបខ្ពស់នាឆ្នាំចុងក្រោយនៃគម្រោង។ យ៉ាងណាក៏ដោយមានរឿងច្រើនទៀតអាចលើកមកជម្រាបជូន។ នៅពេលចាប់ផ្តើម គម្រោងយើងបានបង្ហាញក្តីសង្ឃឹមថា ចំនួនកម្រងដែលមិត្តបានឆ្លងកាត់បង្គោលឡាក់ទី៣តាមលំនាំនៃ ការលូតលាស់ ជាលទ្ធផលពីការរៀនសូត្រពីរបៀបស្វាគមន៍ចំនួនមនុស្សច្រើនបានចូលមកក្នុងសកម្មភាពនឹងមានការកើនឡើងច្រើនរយថែមទៀត។ តួលេខសរុបនោះស្ថិតនៅប្រមាណ២០០ មាននៅតាមប្រទេសជាង៤០។ ប្រាំឆ្នាំទៅមុខ តួលេខនេះបានកើនគួរឲ្យភ្ញាក់ផ្អើលដល់១០០០នៅតាមប្រទេសជិត១០០ ពោលគឺមួយភាគបួននៃកម្មវិធីលូតលាល់ល្អិតល្អន់ក្នុងពិភពលោក ហើយវាជាសមិទ្ធិផលលើសពីការរំពឹងទុករបស់យើង។ ត្រឹមតែតួលេខទាំងនេះមិនទាន់គ្រប់គ្រាន់ក្នុងការលាតត្រដាងពីភាពខ្ពង់ខ្ពស់ដែលសហគមន៍បានលេចត្រដែតឡើងទេ។ មានកម្រង៣០ដែលអាចធានានិរន្តរភាពនៃសកម្មភាពស្នូលលើសពី១០០០ នៅកន្លែងខ្លះតួលេខពីរបីពាន់ដែលរួមបញ្ចូលការចូលរួមពីមនុស្សជាងពីម៉ឺននាក់ក្នុងកម្រងមួយ។ ពេលនេះកំណើនឡើងនៃចំនួនធម្មសភាចិត្តកមូលដ្ឋានដែលអាចចាត់ចែងការពង្រីកកម្មវិធីអប់រំដល់កុមារ និងយុវវ័យទាំងអស់នៅក្នុងភូមិ តថភាពដូចគ្នានេះកំពុងចាប់ផ្តើមលេចឡើងនៅក្នុងសង្កាត់ជិតខាងនៃតំបន់ទីក្រុងផង។ ការភ្ជាប់ខ្លួនក្នុងការបញ្ចេញឲ្យឃើញរបស់ព្រះបាហាអ៊ុលឡាហ៍ត្រូវបានកត់សម្គាល់ ថាបានបង្កើនការឈានឡើងនៃបុគ្គល គ្រួសារហើយនិងសាច់ញាតិរបស់ពួកគេ ពោលគឺអ្វីដែលត្រូវបានមើលឃើញនោះគឺចលនាប្រជាជនទៅរកមជ្ឈមណ្ឌលរួមមួយ។ ពីពេលមួយទៅពេលមួយ អរិភាពដ៏យូរអង្វែងរវាងក្រុមបដិបក្ខត្រូវបានបំភ្លេចចោល ហើយរចនាសម្ព័ន្ធនិងកម្លាំងសង្គមត្រូវបានកែប្រែតាមរយៈការបង្ហាត់បង្រៀនដ៏ពិសិដ្ឋ។

១៨. យើងមិនមានអ្វីក្រៅពីសេចក្តីរីករាយជាអនេកចំពោះការបោះជំហានគួរជាទីរំភើបនេះ។ អំណាច ស្ថាបនាសង្គមនៃជំនឿរបស់ព្រះបាហាអ៊ុលឡាហ៍ត្រូវបានបញ្ចេញមកកាន់តែភ្លឺច្បាស់ឡើង ហើយនេះគឺជាមូលដ្ឋានគ្រឹះដ៏រឹងមាំទៅដល់គម្រោងប្រាំបួនឆ្នាំដែលនឹងឈានចូលមក។ កម្រងនានាដែលមានចំណុចខ្លាំងដែលបានសង្ឃឹមទុក បានបង្ហាញខ្លួនជាឃ្លាំងចំណេះដឹងនិងធនធានសម្រាប់កម្រងជិតខាង។ ចំណែកឯភូមិភាគដែលមានកម្រងបែបនេះតាំងនៅមានភាពងាយស្រួលក្នុងការបង្កើតមធ្យោបាយដើម្បី ពន្លឿនការលូតលាស់បន្តពីកម្រងមួយទៅមួយទៀត។ យ៉ាងនេះក៏ដោយ យើងចង់បញ្ជាក់ជាថ្មីថា ការរីកចម្រើនដែលបានឈានទៅជិតសាយភាយជាសកលហើយ ភាពខុសគ្នានៃការរីកចម្រើនពីកន្លែងមួយទៅ មួយទៀតគឺខុសត្រង់កម្រិតប៉ុណ្ណោះ។ ការយល់ដឹងរួមរបស់សហគមន៍ពីដំណើរការហូរចូលជាកងៗហើយនិងភាពជឿជាក់ក្នុងការជម្រុញទឹកចិត្តលើដំណើរការនេះក្រោមស្ថានភាពកាលៈទេសៈណាមួយ បានចម្រើនឡើងដល់កម្រិតមួយដែលមិនអាចនឹកស្មានដល់កាលពីទសវត្សរ៍មុនៗកន្លង។ ចម្ងល់ស៊ីជម្រៅដែលមានតាំងពីយូរមកហើយ ហើយដែលត្រូវបានលើកយកមកផ្តោតការយកចិត្តដ៏ស្រួចស្រាវនៅឆ្នាំ១៩៩៦ ត្រូវបានឆ្លើយបំភ្លឺដោយពិភពបាហៃដោយសុខស្ងប់។ មានជំនាន់មួយនៃអ្នកជំនឿដែលឆាកជីវិតទាំងមូលរបស់ពួកគេបានឆ្លាក់ស្នាមនៃការរីកចម្រើនរបស់សហគមន៍។ ប៉ុន្តែវិសាលភាពនៃអ្វី ៗដែលបានកើតមាននៅក្នុងកម្រងទាំងនោះដែលព្រំដែននៃការរៀនសូត្រត្រូវបានពង្រីកធំជាងមុនវាបានជម្រុញនូវការបោះ ជំហានទៅមុខដ៏មានសារសំខាន់ក្នុងដំណើរការហូរចូលជាកងៗទៅជាកម្រងដ៏សំខាន់ដែលមានតម្លៃក្នុងប្រវត្តិសាស្ត្រ។

១៩. មនុស្សជាច្រើននឹងបានដឹងពីរបៀបដែលអ្នកគាំពារបែងចែកយុគសម័យនៃជំនឿជាសម័យកាលបន្តបន្ទាប់គ្នា សម័យកាលទី៥នៃយុគសម័យកកើតចាប់ផ្តើមពីឆ្នាំ២០០១។ អ្វីដែលគេមិនសូវបានដឹងលឺនោះគឺអ្នកគាំពារក៏បានធ្វើអំណះអំណាងយោងជាក់លាក់ចំពោះការបង្កើតសម័យកាលនៃគម្រោងពិសិដ្ឋនិងដំណាក់កាលនានាក្នុងសម័យកាលផងដែរ។ ស្ថិតក្នុងសភាពទ្រឹងសម្រាប់ពីរទសវត្សរ៍នាពេលដែលស្ថាប័នថ្នាក់ជាតិនិងមូលដ្ឋាននៃសណ្តាប់ធ្នាប់រដ្ឋបាលកំពុងកកើតនិងពង្រឹងសមត្ថភាព គម្រោងពិសិដ្ឋប្រសូតពីអង្គអាប់ឌុលបាហាបានចាប់ផ្តើមជាផ្លូវការនៅឆ្នាំ១៩៣៧ជាមួយនឹងការចេញដំណើរនៃដំណាក់កាលទីមួយនៃសម័យកាលទីមួយ៖ គម្រោង៧ឆ្នាំចាត់តាំងដោយអ្នកគាំពារទៅដល់សហគមន៍បាហៃអាមេរិកខាងជើង។ សម័យកាលទីមួយបានបិទបញ្ចប់បន្ទាប់ពីការសន្និដ្ឋាននៃរាចបូជនីយកិច្ច១០ឆ្នាំនាឆ្នាំ១៩៦៣ ដែលចេញជាលទ្ធផលនូវទង់នៃជំនឿបាហៃត្រូវបានដាំនៅទូទាំងពិភពលោក។ ដំណាក់កាលដំបូងនៃសម័យទីពីរគឺគម្រោង៩ឆ្នាំដំបូងគេ ហើយមានគម្រោងមិនតិចជាង១០បានចូលមកបន្តបន្ទាប់គឺ គម្រោងមានរយៈពេលពី១២ខែដល់៧ឆ្នាំ។ ដើមដំបូងនៃសម័យកាលទី២នេះ ពិភពបាហៃបានមើលឃើញនូវការចាប់ផ្តើមនៃការហូរចូលជាកងៗចូលមកក្នុងជំនឿដែលត្រូវបានព្យាករណ៍ជាមុនដោយអង្គអាប់ឌុលបាហាមកហើយ នៅទសវត្សរ៍បន្តបន្ទាប់ ច្រើនជំនាន់នៃអ្នកជំនឿប្រកបដោយការឧទ្ទិសក្នុងសហគមន៍ បានប្រើកម្លាំងធ្វើការនៅក្នុងចម្ការពិសិដ្ឋក្នុងការដាំដុះនូវកត្តាអំណោយផលដល់ការលូតលាស់ទ្រង់ទ្រាយ ធំនិងដោយនិរន្តភាព។ រីឯអំឡុងពេលរដូវកាលរីតវ៉ាន់ដ៏រុងរឿងនេះមើលថាតើផលផ្លែផ្កានៃកម្លាំងពលកម្ម ទាំងនោះបានច្រើនជាអនេកយ៉ាងណា! បាតុភូតនៃចំនួនដ៏ច្រើនញ៉ាំងឲ្យរីកធំឡើងនៃសកម្មភាពរបស់សហគមន៍ បញ្ឆេះផ្កាភ្លើងនៃជំនឿនិងប្រញាប់ក្រោកឡើងបម្រើក្នុងភាពឈានមុខនៃគម្រោង បានជម្រុញ ពីការទស្សទាយដោយជំនឿទៅជាតថភាពដែលកើតឡើងម្តងហើយម្តងទៀត។ការបោះជំហានទៅមុខប្រកបដោយស្តែងឡើងនិងគួរជាទីកត់សម្គាល់នេះតម្រូវឲ្យមានការកត់ត្រាក្នុងប្រវត្តិសាស្ត្រនៃបុព្វហេតុ។ ជាមួយនឹងដួងចិត្តដ៏រីករាយ យើងសូមប្រកាសថា សម័យកាលទីបីនៃគម្រោងរបស់អង្គអាប់ឌុលបាហាបានចាប់ផ្តើមហើយ។ ដំណាក់កាលមួយទៅដំណាក់កាលមួយទៀត ពីសម័យកាលមួយដល់សម័យកាលមួយទៀត សូមគម្រោងរបស់ទ្រង់កកើតទ្វេឡើង រហូតដល់ពេលពន្លឺនៃអាណាចក្របានសាយភាយទៅដល់គ្រប់ដួងចិត្តមនុស្ស។

២០. មិត្តជាទីស្រលាញ់ មិនមានការឆ្លុះបញ្ចាំងនៃគម្រោងប្រាំឆ្នាំនៅក្នុងសម័យកាលទីពីរនៃគម្រោងអាទិទេពដែលបញ្ចប់ដោយឥតមានឯកសារយោងជាពិសេសអំពីភាពចលាចលដែលមានមកជាមួយនាឆ្នាំចុងក្រោយរបស់វា ហើយនៅតែបន្តទៅមុខបាននោះទេ។ ការដាក់កំហិតលើអន្តរកម្មរវាងបុគ្គលដែល កំពុងឡើងចុះមិនទៀងទាត់ក្នុងប្រទេសភាគច្រើននាអំឡុងពេលនេះអាចនឹងជម្រុញឲ្យមានកិច្ចខិតខំរួម ក្នុងសហគមន៍នូវការរុញច្រានដ៏ខ្លាំងមួយ ដែលទម្រាំតែអាចវិលត្រលប់មកធម្មតាវិញត្រូវការវេលាច្រើន ឆ្នាំ តែមានហេតុផលពីរដែលមិនស្ថិតក្រោមករណីនេះ។ ទី១គឺការយល់ដឹងដ៏ទូលំទូលាយពីកាតព្វកិច្ច របស់បាហៃត្រូវបម្រើដល់មនុស្សជាតិ មិនមានក្នុងពេលណាច្រើនជាងពេលកំពុងរងគ្រោះនិងស្ថានភាព លំបាកនោះទេ។ ទីពីរគឺការរីកចម្រើនដ៏ខ្លាំងនូវសមត្ថភាពក្នុងពិភពបាហៃក្នុងការបញ្ចេញសម្លេងចំពោះ ការយល់ដឹងនោះ។ ដោយបានបន្សំខ្លួនជាច្រើនឆ្នាំទៅនឹងការទ្រទ្រង់បែបបផែននៃសកម្មភាពជាប្រព័ន្ធ មិត្តទាំងឡាយបាននាំយកនូវភាពច្នៃប្រឌិតនិងចេតនាប្រកបដោយបំណងរបស់ពួកគេដើម្បីប្រឈមជាមួយនឹងវិបត្តិដែលមិនអាចដឹងជាមុន ខណៈពេលជាមួយគ្នាពួកគេអភិវឌ្ឍវិធីសាស្ត្រថ្មីៗដែលសមស្របគ្នា ជាមួយរចនាសម្ព័ន្ធដែលបានធ្វើក្នុងគម្រោងបន្តបន្ទាប់ឲ្យកាន់តែប្រសើរឡើង។ នេះគឺមិនមែនជាការមើល រំលងនូវការលំបាកធ្ងន់ធ្ងរដែលបាហៃបានតស៊ូឡើយ ពួកគេក៏ដូចជាជនរួមជាតិរបស់ខ្លួនដែលរស់នៅគ្រប់ ទីដែនដី បើទោះជាស្ថិតក្នុងសេចក្តីលំបាកក៏នៅតែធ្វើការផ្តោតអារម្មណ៍បាន។ ធនធានត្រូវបានបង្ហូរទៅដល់សហគមន៍ទាំងឡាយដែលត្រូវការចាំបាច់ ការបោះឆ្នោតនៅបន្តដរាបណាមានអំណោយផល ហើយនៅគ្រប់ទេសៈកាលៈស្ថាប័ននៃបុព្វហេតុនៅតែបន្តបំពេញកាតព្វកិច្ចរបស់ខ្លួន។ មានដំណើរបោះជំហានទៅមុខជានិច្ច។ ធម្មសភាជាតិនៅSao Tome and Principe នឹងត្រូវបង្កើតឡើងវិញនៅបុណ្យរីតវ៉ាន់នេះ ហើយសសរស្តម្ភពីរបន្ថែមទៀតនៃធម្មសភាយុត្តិធម៌សកលនឹងកើតឡើងគឺធម្មសភាជាតិប្រទេសក្រូអាស៊ីដែលមានទីតាំងនៅZagrebធម្មសភាជាតិប្រទេសទីម័រខាងកើតមានអាសនៈនៅ Dili។

២១. ដូច្នេះគម្រោង១ឆ្នាំចាប់ផ្តើមហើយ។ វត្ថុបំណងនិងភាពចាំបាច់របស់វាគឺត្រូវបានដាក់ចេញនៅក្នុង សារលិខិតរបស់យើងផ្ញើជូននៅថ្ងៃនៃកិច្ចព្រមព្រៀងកន្លងមក គម្រោងនេះទោះបីជាសង្ខេបខ្លីបន្តិចមែន តែវាគ្រប់គ្រាន់សម្រាប់ត្រៀមរៀបចំពិភពបាហៃសម្រាប់គម្រោង៩ឆ្នាំបន្ទាប់។ កំឡុងពេលដែលមានសក្តានុពលជាពិសេសដែលបើកបង្ហាញរយៈពេលមួយរយឆ្នាំបន្ទាប់ពីការបង្ហាញចេញនូវ ផែនចារិកនៃគម្រោង អាទិទេព នឹងត្រូវបានបិទបញ្ចប់ឆាប់ៗបន្ទាប់ពីខួបមួយរយឆ្នាំនៃការយាងឡើងឋានសួគ៌របស់អង្គពិសិដ្ឋអាប់ឌុលបាហា គូសបញ្ជាក់នូវការបិទបញ្ជប់នៃសតវត្សរ៍ទី១ក្នុងយុគសម័យកកើត និងការចាប់ផ្តើមសតវត្សរ៍ទី២របស់វា។ ក្រុមអ្នកជំនឿចូលមកក្នុងគម្រោងថ្មីនេះក្នុងវេលាមួយដែលមនុស្សជាតិប្រឈមនឹងភាពរងគ្រោះ ហាក់ដូចជាបង្ហាញការយកចិត្តទុកដាក់ពីភាពចាំបាច់នៃការសហការគ្នាដើម្បីដោះស្រាយឧបសគ្គជាសាកល។ បែបនេះក៏ដោយទម្លាប់នៃការប្រកួតប្រជែង គិតប្រយោជន៍សួនតួ ការរើសអើងនិងគំនិតចង្អៀតចង្អល់នៅតែបន្តរារាំងចលនាទៅរកសាមគ្គីភាព ផ្ទុយគ្នាជាមួយមនុស្សកាន់តែច្រើនក្នុងសង្គម ដែលកំពុងបង្ហាញជាពាក្យសម្តីនិងទង្វើពីរបៀបដែលពួកចង់ទទួលបានការទទួលយកកាន់តែទូលំទូលាយនូវភាពតែមួយនៃមនុស្សជាតិ។ យើងបួងសួងឲ្យគ្រួសារនៃប្រជាជាតិទាំង ឡាយបានជោគជ័យក្នុង ការបែងចែករវាងភាពខុសប្លែករបស់ពួកគេដោយឡែកដើម្បីជាប្រយោជន៍នៃសេចក្តីល្អរួមគ្នា។ ទោះបីជាយ៉ាងណាក៏ដោយភាពមិនប្រាកដកំពុងគ្របដណ្តប់នាប៉ុន្មានខែខាងមុខ យើងសូមបួងសួងដល់ព្រះបាហា អ៊ុលឡាហ៍ផ្តល់អំណះអំណាងដែលទ្រទ្រង់ដល់អ្នកជំនឿរបស់ទ្រង់បន្ថែមទៀត សូមឲ្យអ្នកអាចបន្តទៅមុខនូវបេសកកម្មរបស់ខ្លួន សូមការនិពន្ធរបស់អ្នកចៀសផុតពីភាពច្របូកច្របល់នៃពិភពលោកដែលកំពុង ត្រូវការសារព្យាបាលរបស់ទ្រង់ អំណះអំណាងដែលកាន់តែស្រួចស្រាល់ជាងមុន។

២២. គម្រោងអាទិទេពឈានចូលសម័យកាលថ្មីនិងដំណាក់កាលថ្មីមួយ។ ទំព័រថ្មីបើកហើយ។

ធម្មសភាយុត្តិធម៌សកល

ទាញយកឯកសារ